KNR

KNR nutaanik siulersuisortaarpoq

Nukaaraq Eugenius siulersuisuni siulittaasunngortoq, ilaasortat tassaapput Mads Barlach Christensen, Mariia Simonsen, Ruth Montgomery-Andersen aamma Knud Aalua Lynge.

 

- Siulersuisut katitigaanerit toqqaanermilu tunngavissat radio tv-lu pillugit inatsit nutaaq akuersissutigineqalermat oqallisaaqaat. Aalajangiusimajuarnikuuara isumaqarama pingaarnerpaasoq siulersuisut piginnaasaqarluartut qularnaarnissaat. 

-Isumaqarpunga maanna siulersutut toqqagaasut takutikkaat, siulersuisussarsiornermut inaarutaasumik ilusiliunneqartoq atorluarsinnaasoq, aamma maanna siulersuisoqalersugut tamarmik immikkoorlutik ataatsimoorlutillu piginnaasaqarluartunik Nunattalu kulturiani oqaluttuarisaaneranilu sorlaqarfeqarluartunik.

 - KNR-ip siulersuisortaavisa ulluinnarnilu aqutsisut suleqatigiinnerisigut ukiuni aggersuni pilersinneqarumaartut qilanaaraakka, Ilinniartitaanermut, Ilageeqarnermut, Kulturimut Naligiissitaanermullu Naalakkersuisoq, Nick Nielsen oqarpoq.

Aamma atuaruk KNR-imi periaaseq nutaaq allannguingaatsiarniartoq

Siulittaasunngorlaaq Nukaaraq Eugenius attaveqaateqarnerup, atuakkanik naqiterisitsisarnerup saqqummersitsisarnerullu iluanni ukiorpassuarni misilittagaqarnerarneqarpoq.

Mads Barlach Christensen Air Greenlandimi sulisoqarnermut pisortaavoq.

Mariia Simonsen Ilisimatusarfimmit inassuteqaat tunngavigalugu toqqarneqarpoq. Tusagassiuuteqarnermut tunngasunik annertuumik piginnaasaqarpoq, siulersuisunilu sulinermik misilittagaqarluni.

Ruth Montgomery-Andersen EPI-miit inassuteqaat tunngavigalugu toqqarneqartoq, 
Knud Aalua Lynge KNR-imi sulisut aalajangersimasumik atorfeqartut inassuteqarnerisigut ilaasortanngortoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat