KNR KNR-ip podcastit saqqummiuppai
Juulip aallaqqaataani KNR-ip aallakaatitassiaasa ilaat podcastitut saqqummiunneqassapput. Taamaalilluni aallakaatitat pisartagarineqarsinnaalissapput, internettimullu attaveqanngikkaluartumi, soorlu asimi, tusarnaarneqarsinnaassallutik. Avalannginninni aallakaatitat downloadernissaat qulakkiiginnassavat. Aallakaatitat, assersuutigalugu mobiilikkut pisartagarilerukkit, nutaaqaraangat mobiilivit nammineq aasassavai nutarterlugillu, internettilimmullu peqqikkuit nutaat aamma aaneqassapput.
Aallaqqaammut aallakaatitat makku iOS aamma Android aqqutigalugu podcastitut saqqummissapput: Aasaanerani aallakaatitat Aasarpalaaq aamma Inussuk, radioaviisit kalaallisut qallunaatullu, Ilisaritipparput kiisalu ukiuunerani upernaajuneranilu aallakaatitat Nunatta nipaa, Ullukillisaarfik aamma Inuiaat tillernerat.
Tusarnaartut taama periarfississinnaagatsigit nuannaarutigaarput. Naak innuttaasunik kiffartuussinermik isumaqatigiissutip iluani taamaaliornissatsinnut pisussaaffeqanngikkaluarluta, tusarnaartartuvut ullumikkut pissutsit malinnaavigalugit pitsaasumik sullikkusuppagut. Ukiap ukiullu ingerlanerani aallakaatitat amerlanerit tassuuna saqqummersinneqassapput, Karl-Henrik Simonsen oqarpoq.
Nunarsuatsinni podcastit tuluttoortut danskisoortullu silarsuaat annertoqaaq, maannalu nunatsinni podastit silarsuaat aallartisartoq annertunerulersinniarlugu KNR peqataalerpoq.
KNR-ip nittartagaani uani www.knr.gl/podcast takusinnaavat qanoq podcastersinnaanerlutit, app-illu sorliit atussanerlugit. App-it aqqutigalugit aallakaatitat sorliit qanorlu aasinnaanerlugit takusinnaavat sorliillu pisartagarilersinnaanerlugit aamma takullugu.
Paasissitussanik ukununnga piniarit aaqqissuisoq Aminnguaq Dahl Petrussen amdp@knr.gl
aamma pisortaaneq Karl-Henrik Simonsen khs@knr.gl oqarasuaat 36 15 00.
