KNR-ip pisortarisimasaa toqusoq

KNR-ip pisortarisimasaa, Ivalo Egede, sivisuumik napparsimareerluni toqusoq, qanigisaasut pingasunngornermi ullaap tungaani nalunaarput.

Ivalo Egede KNR-imi 2009-miit 2013-imut pisortaavoq. Innuttaasunik sullissinermik suliaqarfik taassuma siuttuunerani malunnartumik allanngorpoq. Assersuutigalugu KNR TV kalaallisuinnaq aallakaatitsiffiulerpoq. Tamatuma siorna DR-ip aallaakaatitai KNR-ip aallakaatitsinerani initoqaat.

AAMMA ATUARUK KNR-imi pisortanngortussaq tassaavoq Ivalo Egede

Aamma KNR-imi pisortaanermini suliffeqarfimmi suleriaatsit assigiinngitsut pisariillisarpai.

KNR-ip innuttaasunik sullissinermini sinaakkutissaasut qanoq ittuussariaqarneri allaaserai. Taakkua KNR-ip nutaarsiassaqartitsinermi, qaammarsaanermi, aliikkusersuinermi apeqqusiillunilu tusagassiornermi pisariaqartut, taamani siulersuisuni siulittaasuusup oqatigaa.

AAMMA ATUARUK Ivalo Egede KNR-imit soraarpoq

Ivalo Egedep pisortaanermini KNR-p aningaasaqarnera iluarsivaa. Ivalo Egedep taamaatiffissaani ukioq 2013-nngormat naatsorsuutit amigartoorfiunngitsut saqqummiunneqarput.

Ivalo Egede 64-inik ukioqarluni toquvoq.