KNR-imi pisortanngortussaq tassaavoq Ivalo Egede
Kalaallit Nunaata Radioani siulersuisut qiimmaallannartumik uissuumissutigaat pisortatut atorfik inuttassarsiuunneqarmat soqutiginnittorpassuaqarnera. Qinnuteqartut akornanni inuit arlallit sukumiinerusumik oqaloqatigisassatut aggersarneqarput, tamannalu ersersitsisuuvoq KNR-imi pisortaaninngornissamut piukkunnaateqarluinnartunik arlalinnik KNR-imi siulersuisut toqqagassaqarsimasut. Matumanilu tassa Ivalo Egede toqqarneqarpoq. Ivalo Egede Rokilde Universitets Center-imi attaveqatigiinnermut tunngasunik ilinniarsimasuuvoq, tassa attaveqatigiinnermut tunngasunik ”cand.Kalaallit Nunaata Radioani siulersuisut qiimmaallannartumik uissuumissutigaat pisortatut atorfik inuttassarsiuunneqarmat soqutiginnittorpassuaqarnera. Qinnuteqartut akornanni inuit arlallit sukumiinerusumik oqaloqatigisassatut aggersarneqarput, tamannalu ersersitsisuuvoq KNR-imi pisortaaninngornissamut piukkunnaateqarluinnartunik arlalinnik KNR-imi siulersuisut toqqagassaqarsimasut. Matumanilu tassa Ivalo Egede toqqarneqarpoq.
Ivalo Egede Rokilde Universitets Center-imi attaveqatigiinnermut tunngasunik ilinniarsimasuuvoq, tassa attaveqatigiinnermut tunngasunik ”cand. comm.”-imik taaguutilimmik ilinniagaqarsimagami. Tamannalu tunuliaqutigalugu ilaatigut Pinngortitaleriffimmi tusagassiisartutut Namminersornerullutillu Oqartussani paasissutissiisarnermut pisortatut atorfeqarsimavoq.
Ivalo Egedep maanna nunatsinni tusagassiuteqarnermut tunngasunut attuumassuteqarfigisai tassaapput Radio aamma TV pillugit aalajangiisartuni siulittaasuugami tamatumalu saniatigut Sermitsiami siulersuisuini siulittaasumut tullersortaalluni.
Ivalo Egede maanna Royal Arctic Line A/S-imi nittarsaassinermut pisortaanerminit tunuarluni KNR-imi suliassat januaarip aallaqqaataa 2009 aallarnerfigalugu aallutarisussanngorpai.
