KNR KNR-imi qinersinissaq sioqqullugu aammalu qinersinerup unnukkuani TV-kut aallakaatitsineq
![Jacob Abelsen](/sites/default/files/styles/image_934x467/public/jacob-abelsen.jpg?itok=ZvuspoMg)
Siullermik KNR-imi sulisutsinnut qujarusuppunga qinersinissap tungaannut qinersinerullu unnukkuanut suleqataassimasunut. Qineqqusaarnerit katillugit qulingiluat (radiukkut TV-kullu) aallakaattinneqarput. Taammaasilluni politikkerit pitsaasumik periarfissinneqarput oqariartuutinik apuunnissaat aammalu qinersisartut aammarsarneqarluarlutik misigalutit qinersinissaannut. Nukippassuit atorneqarsimapput naak piffissami sivisuumik sulisunit annertuumik amigaateqarsimagaluaqisugut.
Takusinnaavaralu TV-kut isiginnaartorpassuit ippassaq unnukkut qinersinerup ingerlanneqarnera annertuumik maalaaruteqarfigigaat. Aammalumi qinersinissap tungaanut aallakaatitsinerit.
Ajuusaarutigaarput taammaattorli aamma ilumoorullugu suliassatut isigalugu. Nassuerutigissavarput allatut periuseqarluta suliaq suliarisimasinnaagaluarlugu. Taammaattoq suleqatikka ilagalugit piffissami qaninnerpaamik nalilersuissaagut qinersinerup sioqqullugu aamma qinersinerup unnukkuani aallakaatitsinitsinni sutigut kukkussuteqarsimanersugut imaluunniit pitsanngorsaasinnaannersugut. Tullissaani suli pitsaannerusumik naammasisaqarsinnaanneq siunertaralugu.
Jacob Abelsen
KNR-imi pisortaq
Paasissutissanik sukumiinerusut pissarsiarineqarsinnaavoq Jacob Abelsen, pisortaq
oqarasuaat 36 15 00 imaluunniit mail: jab@knr.gl