KNR pillugu nutaarsiassat

KNR KNR-imi juullerpalaartitsineq

KNR Radio aamma TV juullerpalaartitsinermut qilanaartuusiivoq. Decembarip qaammataa naallugu radiumi aamma TV-mi jullerpaluttunik aallakaatitassanik ulikkaarpoq. Juullimut mappersakkat arfineq marluk saniatigut Radiumi aamma TV-imi agguataarlugit KNR juullerpalaartitsinernut amerlasuunut pisassaqartitsivoq. Adventip sapaatai, jullimut tusarnaartitsinerit meeqqanik orpiliartitsineq tamakkuupput aallakkaatitassiat allat akornanni Radiukkut naalaarneqarsinnaasut aamma TV-ikkut isiginnaarneqarsinnaasut.

Allattoq Paasissutissat KNR / KNR Info

decembarip 01-at 2015 16:18

Radiukkut ilaatigut naalaarsinnaavatit inuit allat qanoq juullisiortarnerat aallakaatitassiami Juullimi Pulaarti juullip ulluini aallakaatinneqartarsussani. Juullimut aallakaatitassiarineqartartoq nuannarineqartoq Poortuiutaa aamma naalaarneqarsinnaavoq.

KNR TV-mi taamatuttaaq juullimut mappersagaq nutaaq inissaqartinneqarpoq. Juullimut ammartakkat Adadakodantip Ujaraatai saniatigut aamma Nissikkut takoqqinnerisa saniatigut TV2-mi juullip ammartagaa Juleønsket inissaqartinneqarpoq.

Tamakku saniatigut Hans Jukku Noahsen aggersaavoq uunga, Piggappaat Deluxe Edition tallimanngorpat 11. decembari, nal. 19.00 Katuami immiuneqartussami. Piggappaat Deluxe ukiutoqqami aallakaatinneqassaaq. Aatsaat taamak amerlatigisunik isiginnaartoqassaaq ukioq manna dartimut pissartaq Katuami toqqaannartumik isiginnaartoqarluni nanineqassammat, isiginnaartut periarfissaqarput iPhone 6s-imik eqquinissaminnut aamma tiitorfimmik piumaneqaqisumik Pigappaat tiitorfik.

KNR-imi juullip nalaani aallakaatitassat tamaasa uani takusinnaavatit: knr.gl/juulli

KNR KNR-imi juullerpalaartitsineq

Aamma atuaruk