Readingimi savilersortoqarnera peqqarniisaarniarnertut nalilerneqartoq

Tuluit Nunaanni illoqarfimmi Readingimi naatsiiviliarsuarmi savilersortoqarmat inuit pingasut toqutaapput pingasullu allat ikilerneqarlutik.

Readingimi angut 25-nik ukiulik, Libyamit kingoqqisoq, tigusarineqarpoq. Angutip kisimiilluni saassussisuusimanissaa ilimagineqarpoq, pisorlu peqqarniisaarniarnertut nalilerneqarluni.

- Readingimi ippassaq savilersortoqarnerata peqqarniisaarniarnertut politiinit nalilerneqartoq politiit uppernarsarpaat, The Thames Valley Policep ilisimatitsissutigigaa, nutaarsiassaqartitsiviup AFP-p allaaseraa.

Inuppassuit Readingimi naatitsivissuarmiittut takunnittup oqaatigaa. Angut qialersimavoq, inuillu qulit missaanniittut tassanngaannaq saassussimallugit.

Angut inuit pingasut qungasiasigut taliisigullu savimmik kapivai. Takunnittup tungaanut taava arpalersimavoq takunnittorli naatitsivissuarmit qimaasinnaasimalluni.

Ammit qalipaataannik assigiinngisitsinerit akiorniarlugit Black Lives Matterimik taallugit akerliussutsimik takutitsinerit Readingimi naatitsivissuarmi sapaatip-akunneri kingulliit ingerlaneranni pisarsimapput.
Savilersornerli akerliussutsimik takutitsinerpassuarnut attuumassuteqanngitsoq Tuluit Nunaanni politiit oqaatigaat.