KNI pillugu suliami ilisimannittoq: Allanut oqaraluaruma soraarsitaanissara annilaanngatigaara
Pukutsukkut imaluunniit imaluunniit saneqqakkut attuualaartinneq.
Ataatsimiinermi atoqatigiinnermut pasitsassaarutit suleqataasullu nipaatsut pisortaq iseraangat qiialersartut.
Tamakku KNI-mi ulluinnarsiutaapput Peter Grønvold Samuelsen pisortaanerugallarmat, marlunngormat Eqqartuussiveqarfik Qeqqani arnat marluk ilisimannittutut oqaaseqarmata.
Tassani pisortaanerusimasumut suliassaq eqqartuussisutigoortoq aallartinneqarpoq.
Suliassaq arnanik tallimanik kannguttaatsuliorfiginnissimasutut unnerluunneqarneranik imalik.
Kannguttaatsuliornerit 2016-imiit 2021-mut pisimasutut oqaatigineqarput – Sisimiuni KNI-p illorsuani aamma sulinermut atatillugu angalanerni.
AAMMA ATUARUK KNI-mi pisortaasimasoq eqqartuussivimmi: Unnerluussutit tamaasa ilumuunnginnerarpai
Peter Grønvold Samuelsenip nammineq unnerluussutit ilumuunnginnerarpai pinngitsuutinneqarnissanilu piumasaraa, unnerluussisussaatitaasup qaammatini pingasuni pineqaatissinneqarsimasunut inissiisarfimmiitinneqarnissaa piumasaraa.
KNI (Kalaallit Niuerfiat)
KNI tassaavoq aktieselskabi imminut pigisoq, nioqqutissanik ulluinnarsiutinik, atuinermut iluaqutissanik aamma ikummatissanik Kalaallit Nunaannut pilersuisoq.
Ingerlatsivik sisamanik nioqquteqarfeqarpoq tassaasunik Polaroil, Pilersuisoq, KNI Engros aamma aamma piginneqatigiit suleqataasut Neqi A/S.
KNI-p siulersoneqarfia Sisimiuniippoq.
Marlunngormat siullermik taanna kingusinnerusukkullu ilisimannittunit tallimanit, politiinut unnerluussisunit marluk nassuiaapput.
Ilisimannittut marluullutik oqaluttuarput sulileqqaarnerminni ingerlatsiviup qullerpaatut pisortaa annertuumik ataqqisimallugu.
- Atorfinikkama pisortaq naleqanngitsoq erseqqilluinnartunik anguniagalik naapippara. Ataqqivara, aappa nassuiaanermini ilaatigut taama oqarpoq.
Kisianni ilisimaleqqaarneranit maluginiakkakka ataannanngillat.:
- Piffissap ingerlanerani ataatsimiinnerni atoqatigiinnermut pasitsassaarutinik imalinnik oqaaseqartalerpoq, ulussakkullu aamma pukutsukkut attuuaslerpaanga kingsinnerusukkullu iviangikkut, oqaluttuarpoq. Tirsdag afgav først han og senere to af de fem personer, der har anmeldt ham til politiet, forklaring.
Unitsitsinissaq qunugaa
Ilisimannittup aappaa aamma oqaluttuarpoq pisortaq ataqqisimallugu, allaffimmi “pisoqartalernera” tikillugu.
Annikitsunnguamik aallartippoq pakkussinernik aamma ersakkut kunitsinernik, kisianni nuanniitsumut saakkiartuinnarput, attuuanninnernik kissaatiginanngitsunik arlalinnik kinguneqarlutik.
- Ullut ilaanni tujuuloqarpunga ammasumik iviangequtimalu naatiffia tiguaa nusullugulu, nassuaavoq.
Arnat arlaannaalluunniit unitsitsinngilaq imaluunnit pisortarisaminnut qaninnermut imaluunniit KNI-p sulisoqarnermut immikkoortoqarnianut oqaluttuarnatik.
AAMMA ATUARUK KNI-mi siulersuisut: Ukioq manna quarsaarnartoqarpoq
Marluullutik oqarput tamnna qunugisimalllugu.
- Killissarititakka qaangerneqaraangata annilaangalersarpunga. Qiialersarpunga eqqarsarlungalu: Sussaanga? Suliffinnummi atatillugu najugaqartitavunga. Soraarsitaassaguma ornitassaqanngilanga, aappaa oqarpoq
- Ippigeqaara. Allanut oqaraluaruma soraarsitaanissara annilaanngatigaara, aappaa oqarpoq taamanilu KNI-mi pissutsit ima oqaluttuaralugit:
- Peter iseraangat naluneq ajorparput Peter qanoq ittuusoq. Inuit qarasaasiatik isgisarpaat qerrullutillu.
Unnerluussutit tamaasa ilumuunnginnerarpai
Oqaatigineqareersutut Peter Grønvold Samuelsenip arnanik tallimanik taakkunannga kannguttaatsuliornemik unnerluussutit tamasa ilumuunnginnerarpai .
Marlunngormat pisimasut aalajangersimasut, unnerluussummi allaasimasut, pillugit apersorneqarami oqartarpoq pisimanngitsut imaluunniit ilisarisinnaanagit imaluunniit eqqaamanagit.
KNI A/S-imi kanngunartuliat
- KNI-p aningaasaqarneranut atatillugu kukkunerit qoqassiiniarnerillu, siorna novembarimi nalunnginnittut tusagasiuutinut oqaluttuarnerisa kingorna saqqummeralerput.
- Qaammatini arlalinni misissuisoqareersorlu, aningaasaqarnikkut qoqassiiniartoqarsimasoq siulersuisut nassuerutigaat. Manna tikillugu akileraannginnermi tamanna ingerlatsivimmut 112 miliuuni koruuninik akeqarsimavoq 12,5 miliuuni koruuninillu amigartoortitsilluni.
- Pisimasulli suli akisunaarutaasinnaanersut ingerlatsivimmi pisortat suli ilisimanngilaat.
- Uppernarsaatinik salloqittaasiorsimasutut pinerlunniarsimasutullu inuk ataaseq politiinut unnerluutigineqarpoq, taannali kinaanersoq aningaasallu qassit pineqarnersut, KNI-mit oqaatigineqarumanngillat.
- Tamatuma saniatigut kinguaassiuutitigut kanngutsaatsuliorsimasutut unnerluussaalluni pisortaq Peter Grønvold Samuelsen soraarsitaavoq. Taanna tassunga atatillugu politiinut unnerluunneqarpoq.
- Unnerluussinerit saqqummertalermata pisortaasimasoq Peter Grønvold Samuelsen soraarsinneqarpoq. Taassumunnga paarlattaavoq Jeppe Jensen. Tamatuma saniatigut sulisunik sullissivimmi pisortaasimasoq siulersuisunullu siulittaasuusimasoq Lars Borris Pedersen tunuarpoq, taannalu Svend Hardenberg-ip paarlappaa.
Aperineqarami arnanik ersakkut kunitsisimanerluni pakkussisimanerlunilu nassuiaavoq taamaaliortarsimalluni kisianni sulinermuinnaq atatillugu.
Aamma nassuiaavoq suliffimmii persuarsiortuunngitsumik pissuseqarlutik, aamma sivikitsumik oqaloqatigiinnerni illarnartuni atoqatigiinnernut tunngasuni peqataasarsimalluni.
Iliuuseqartariaqarpoq
Arnat taakku marluk marlunngormat eqqartuussivimmi nassuiaasut tamarmik aperineqarput sooq taamani pisortaasoq siorna februaarimi politiinut unnerluutigisimanerlugu.
Tamarmik akipput kannguttaatsuliornerit unitsinniarlugit taamaaliorsimallutik.
- Eqqarsarpunga: Ajornerulerpammi? Isumaqarpunga pisortaq suleqataasut taama pisariaqanngikkai, aappa oqarpoq.
- Unitsinneqarnissaa siunertaavoq, annilaangaqqinniannginnama, aappa oqarpoq.
Ilutigalugu MeToo-mik pisut eqqaavai tusagassiuutitigut ilisimaneqartup Sofie Linde-p 2020-mi ukiakkut aallartitaa iluaqutiginerarpaa.
- Uppernarsivafa taamaaliorneq eqqortuunngitsoq. Tassani aatsaat iluamik paasivara qanoq iliuuseqaratriaqarlunga, oqarpoq.
Peter Grønvold Samuelsen KNI-mut ukiuni arfineq marlunni pisortaaneruvoq. Siorna marsimi atorfik qimappaa.
Eqqartuussivimmi suliaq pingasunngornikkut nangissaaq ilisimannittunik amerlanermik apersuinertalimmik.
Kisianni qaqugu aalajangiisoqassanersoq ilisimaneqavinngilaq.
Aalajangiinissarmi kinguartinneqarpoq ilisimannittut ilaat ataaseq coronalersimammat.
