KNI-p ilinniartuni immikkut ittumik sullippai
KNI-mi ilinniartunut siunnersortit marluk niuernermik ilinniarfinnut Qaqortumiittumut Nuummiittumullu tikeraarput, taakkunani ilinniartut oqaloqatigiartorlugit.
KNI-p tusagassiuutinut nalunaarutigaa tamatumani, ilinniartut taamaatittartut ikilisinnissaat, inuussutissarsiutinillu misilittagaasa annertusarneqarnissaat, tamatumani anguniarneqartoq.
Ilinniartunut siunnersortit, Inger Eriksen aamma Rita Olsen Lennert, KNI-mi sulisoqarnermullu pisortaq Käthe Franklin ilinniagaqartut pisariaqartitaannut tulluussarlugit ineriartortitsipput.
- KNI-imi ilinniagaqartut 15 procentii ilinniakkaminnik taamatitsisartut,oqaatsinik ajornartorsiuteqarput, piffissaq eqqorlu suliffinnut takunneq ajorput imaluunniit ilinniakkaminnut tulluuttuunerlutik nalornissutigisarpaat, sulisoqarnermut pisortaq Käthe Franklin oqarpoq.
KNI-mi ilinniartut maanna 87iupput, taakkunannga 29it Qaqortumi Niuernermut ilinniarfimmi ilinniartuullutik. Tikeraarneqarnertik iluaqutigisimallugu ilinniagaqartut oqarput.
-Tikinnissarput ilinniartut qilanaarisaraat ilinniarfimmi ilinniartitsisut unnerpaat, tikittarnerpullugooq iluatsilluavittutut eqqaarusuppaat. Alakkaasarnerpunngooq ilinniartut aallussilluarlutik ilinniagarsornermi tunniusimanerinut assut iluaqutaasarnerarpaat, " siunnersortit angalareerlutik taama oqarput.
Siunnersortit tikeraarnerminni ulloq siulleq sulilffeqarfiup suleriusissatut pilersaarussua kiisalu tamanutami takorluukkat naleqartitallu saqqummiuunneqarput. Ullup tulliani ilinniartut ataasikkaarlugit oqaloqatigineqarput, KNI tusagassiuutinut nalunaaruteqarluni taama allappoq.
