Niisarnat 100-t missaat New Zealandimi qeqertami tippussaasut
Niisarnat 100-t missaanniittut New Zealandimi qeqertarpaat ilaanni tippussaapput.
Tuluit nutaarsiassaqartitsiviat BBC taama allaaserisaqarpoq.
New Zealandimi oqartussat pisoq pillugu sapaatiummat ilisimatinneqarput, qeqertamulli apuummata niisarnat ikittuinnaat suli uumapput.
Niisarnat katillutik 97-t aarluarsuillu pingasut toqungasut siumorneqarput.
Sooq taama pisoqarsimanersoq suli paasineqanngilaq.
Tippussaasimasuni niisarnat 26-t imaani pissutsit imaannaanngitsut nunami oqartussani sulisup oqarnera naapertorlugu toqqutigisimavaat.
Eqalussuillu niisarnat tippussaanerannut peqqutaaqataasimanissaat ilimanartorujussuusoq, taanna aamma oqarpoq.
AAMMA ATUARUK Niisarnat 200-nit amerlanerit Australiap sineriaani tippussaasimasut
Niisarnat ataqqinaatissaannik eqqaaniarneqariarlutik qimaannarneqassapput.
Australiami Tasmaniami niisarnat 380-t qaammatit marluk matuma siorna aamma tippussaanerminni toqupput.
Niisarnat sooq tippussaasarnersut ilisimaneqanngilaq, arfernulli allanut sanilliullutik tippussaakkajuttut uppernarsarneqarnikuuvoq. Niisarnalli nerisassarsiortillutik saariarfissaaruttarunartut oqaatigineqarpoq.
Niisarnalli siuttuisa tammartajaartarnerat tippussaanerannik kinguneqarsinnaasartut aamma oqaatigineqarpoq.