Kistat Lundip qalipagai Taseralimmi
Nunatsinni eqqumiitsuliortut tusaaneqarluartut ilaat, Kistat Lund, aasaanerani Sisiumiuni saqqummersitsissaaq.
juulip 16-at 2010 13:08
Eqqumiitsuliortup qalipaariaatsit assigiinngitsut atorlugit qalipagai, juulip 18-aniit aggutsip 15-anut Taseralimmi takuneqarsinnaapput. Saqqummersitsineq Kistat Lund najuuttoralugu sapaatiuppat ammarneqassaaq.
Kistat Lund, ilaatigut Sanaartornermik Ilinniarfiup iigarsuini kusassaanikoq, siusinnerusukkut Sisimiuni suliamik saqqummersitsinikuuvoq. Aatsaalli Taseralimmi suliamik saqqummersitsilerluni.