Kisitsisit nutaat: Innuttaasut isertitaat amerleriaateqartut
Nunatsini innuttaasut ukiup siulianut sanillillugu aningaasaateqarnerusut, Naatsorsueqqissaartarfiup kisitsisaatasa nutaat takutippaat.
Allattoq Ivik Kristiansen
novembarip 01-at 2016 07:53
Innuttaasut agguaqatigiisillugit 229.000 koruuninik isertitaqarsimapput, tamannalu 11.000 koruuninik ukiup siulianut sanilliullugu amerlanerupput.
Aamma nioqqutissanut akisunerulerujussuarsimanngillat. Tassa inuttaasut ukiut siuliinut sanilliullugu aningaasaateqarnerupput aningaasaatiminnillu pisiaqarsinnaanerullutik.
Qaqortumi, Maniitsumi Nuummilu innuttaasut aningaasarsiorneranni siuariarnerpaasimapput, 2015-imi 15.000 koruuninik aningaasaateqarnerulersimallutik.
Ittoqqortoormiilli isertitat procentinngorlugit siuariarnerpaaffiusimavoq.
Upernavik, Kangaatsiaq Qaanaarlu minnerpaamik siuariarfiusimapput, innuttaasut agguaqatigiisillugit isertitaat 1000 koruunit 2000 koruunillu akornanni amerlisimammata.
