Kirkegaardip Siumumi akerleriinneq ilumoornerarpaa
Siumut sinnerlugu Folketingimut qinigassanngortittoq Jens-Erik Kirkegaard taama oqarpoq. Aleqa Hammondip naalakkersuisuni siulittaasuunerata nalaani taanna inuussutissarsiornermut aatsitassanullu naalakkersuisuuvoq. Jens-Erik Kirkegaard Aleqa Hammondip Nunatta Karsianik atornerluisimanerata kinguneranik taassuminnga uppisitsisunut ilaavoq.
Aamma atuaruk Naalakkersuisut pingasut tunuartut
Jens-Erik Kirkegaardip tusagassiuutinut allakkamini aamma erseqqissarpaa, nammineq aamma Siumup Helle Thorining-Schmidtip ministeriuninngornissaa piumasaqaatitaqanngitsumik tapersersoritsik. Parteeqataata Martha Abelsenip tamanna KNR-imut oqaaseqarluni siusinnerusukkut nalorninarsisikkaluarpaa.
- Siumup Helle Thorning-Schmidt ministeriunertut tapersersormagu erseqqissarusuppara. Martha Abelsenip sapaatip-akunnerata naanerani oqaaseqarnerani tamanna nalorninarsigaluarpoq. Kisianni tamanna nalorninanngitsumik maanna inisseqqavoq, Jens-Erik Kirkegaard tusagassiuutinut nalunaarummini ilaatigut oqarpoq.
Taama nalunaartoqarnera Siumup allattaaneranit Mikael Petersenimit uppernarsarneqarpoq.
Aamma atuaruk Kielsen: Aleqap atornerluinera naleqartitannik avaqqutaarineruvoq