Folketingimut qinersineq 2015 Kielsen: Aleqap atornerluinera naleqartitannik avaqqutaarineruvoq
- Naleqartitakka avaqqutaarneqarput.
Kim Kielsen Aleqa Hamomondip Nunatta karsianik atornerluinera pillugu taama oqarpoq - taamaakkaluartoq Aleqa Hammondip Folketingimut qinigassanngotinnissanut akuersilluni taasivoq.
Siumup siulittaasua ulluni arlalinni nipangersimareerluni maanna nassuiaavoq. Tassami naalakkersuisut partiillu Siumup siulittaasuatut siulia kanngunartulianik tusaamaneqartoq politikkimi qaammatit arfineq pingasut tunuarsimaareerluni saqqummeqqippoq.
Tunngasiusumik isummani akerlilerlugit iliortoq
Kim Kielsenip Siumup siulersuunnerani ilaasortat allat peqatigalugit Aleqa Hamondip Folketingimut qinigassanngortinnissaa akuersaaaramiut tunngaviusumik isummertarnini akerlilerlugu iliuuseqarpoq. Kim Kielsen oqarpoq, Aleqa Hammonip nunatta Karsiata aningaasaataanik atornerluinera namminewq naleqartitaminut naapertuutinngitsoq.
- Imminut naleqartitannut tunngatillugu oqariartuutigerusunneruara, uanga naleqartitakka avaqqutaarneqarput tasssani.
Taamaakkaluartoq Aleqa Hammondip qinigassanngortinnera akuersaarpaa, aalajangerneerlu oqallissutaaqaaq innutatasunillu tupigusutsitsilluni. Kim Kielsenip aalajangernini nassuiarpaa, Aleqa Hammond inatsisaattuliortutut eqqartuuneqarsimanngimmat. Taama oqarpoq, naak inatsisartut akukkunersiuinermut ataatsimiititaliaa isumaliutissiissutimini naqissuseraluaraa, Aleqa Hammondip Nunatta Karsia 100.000 koruunit sinnerlugit akiliisillugu sulinngiffimmi angalagami nalittarisassanik uniuisoq.
Aammali oqaatigaa, Aleqa Hammondip qinigassanngortineranut kisimi aalajangiisimanani:
- Inuk ataasiinnaannginnami Siumut. Qoitsuinnaassagaluarpoq arlaatigut aalajangiiniarnermut tunngatillugu. Kisianni taamaanngilaq. Taamaammat tamakku assigiinngitsut oqimaalutarneqareerneranni taasa sassartitassagut inuit taakkuupput.
Aamma atuaruk Aleqa Hammondip qinigassanngortinnera Siumumi avissaartuussutavoq
Kim Kielsenip oqaatigiumanngilaa, Aleqa Hammondip qinigassanngortinnera nammineq tapersersornerlugu imaluunniit Aleqa Hammondip iliuusai Siumup isigineqarneranik ajoqusiissanersut.
- Massakkut tassa qinersisartut aalajangerumaarpaat. Soorunami iliosimavarput aamma siorna - qinersinissap suaarutigineqannnginnerani - Inatsisartut ammarneranni ulloq taannarpiaq innuttaasut akornanni annertuumik saqitsaattoqalersoq. Taanna ilisimavarput. Taamaattorli massakkut nalunarniavianngilaq qanoq ingerlariaqqittoqassanersoq. Folketingimut tunngatillugu tassa sassarpoq, kisianni oqaatigerusuppara: sassaqateqarpoq pingasunik allanik, Siumup siulittaasua, aamma Naalakkersuisut siulittaasuat Kim Kielsen oqarpoq.
