Kirkegårdip sullissinermik ammaassineq apeqqusersorpaa
Apeqquteqaatit ingerlatinneqarput Tele-Posti internetimut nutaatut akigitinneqartussatut missingersuusiorluni naammassinerarluni nalunaaruteqarnissaa ullumik ataatsimik sioqqullugu. Tassani akigitinneqartussat allat soorlu engro-mi tuniniaaqqinnermilu akigitinneqartussat aamma naatsorsorneqartunut ilaallutik.
Taamaalillutik ingerlatsisut namminneq aamma datami internetimilu sullissinerminni pigisatik katersorsinnaalissavaat.
Aamma atuaruk Tele-Post: Internettikkut namminersortunngorsaanermi akit piareerput
Tele-Postip engros atorlugu tuniniagaasa ingerlatsisut periarfississavaat nammineq tunisassiaminnik tuniniaaqqinnissaannut.
Jens Erik Kirkegaardilli naatsorsuutit nalilersuinerillu amingaatiginerarpai, telellu iluani naleqqussaanerit nammaqatigiinnermut qanoq kinguneqarumaarnersut.
- Ima isikkoqalerluni namminersortunngorsaaneq pingaarnerusoq, Telepost Greenlandip iluanaarutaanut oqallisigeqqaarneraniik misissuiffigeqqaarneraniillu qanoq kinguneqassanersoq, attaveqaatit assigiinngitsut tapeqatigiittarnerata unitsinnerata kingunissai, qanoq nammaqatigiinnermut innuttaasunullu sunniuteqassava, Inatsiartunut ilaasortaq allappoq.
Aamma atuaruk Qulaarpaa Telemik ilisimasallip namminersortunngorsaaaniarneq “silaqanngitsuliornerunerarpaa”
Illoqarfiilli ilaanni aallaqqaammut akikinnerusumik interneteqalernissaa akueraa.
- Kisianni naatsorsuusiortoqartinnagu misissueq-qaartoqartinnagulu oqaatigiuminaatsorujussuuvoq, pissutigalugu aaliangersakkat ilisimasanik toqqammaveqarpasinngimmata., Jens Erik Kirkegaard erseqqissaavoq.
- Apeqquterpassuit suli akissutissaqanngitsut amerlapput, taamaattumik aalajangikkat ilisimasanik toqqammaveqarnissaat pingaaruteqarpoq, telekkut attaveqaatit namminersortunngorsarnikut kingumut nammaqatigiinnermut uterteqqinnissaat ajornartorujuussaammat, Jens Erik Kirkegaard allappoq.
Aamma atuaruk Telep namminersortunngorsarneqarnissaanut Kalaallit Nunaat piareersimanngilaq
Aamma taassuma paragraf 37 atorlugu apeqqutaani Tele-Post-ip Internettikkut namminersortunngorsaanermi akigititassamisut saqqummiussai ilaapput.
Aperaarlu Ilumoornersoq maannakkut internetsikkut mobilikkullu attaveqaatit namminersortunngorsarneqarnerat toqqammaveqartoq nalunaarusiami ukiut 15-it missaani pisoqaassuseqartumi?
Tassa assersuutigalugu immap naqqatigut kabelikkut Kalaallit Nunaat suli attaveqaateqanngikkallarmataammalu mopbiltelefoni nutarsarnerisa sisamassaat, 4G, suli pinngikkallarmat.
Aamma atuaruk Internettip siunissami akikinnerulernissaa Jens-Erik Kirkegaardip qularigaa