Kioskiutillit pisisartut akiliutaannik tigusigallartarput
Kioskiutillit pisisartumik akiliuutaannik tigusigallarlutik akiitsortitsisarnerat unitsinneqartariaqarpoq. Kommuneqarfik Sermersuumi isumaginninnermut ataatsimiititaliami siulittaasoq, Malene Lynge, aviisimi AG-imi ullumi saqqummersumi taama oqarpoq.
Allattoq Inge S. Rasmussen
apriilip 06-at 2016 13:44
Nutserisoq Jaaku Lyberth
Kioskiutillit namminersortut pisisartumik Akiliutaat pinkodelu tigumiinnarlugit akiitsortitsisarnerannut tunngasut, kontolu immeraangat immiaaqqanik aallertoqarsinnaasoq Ataatsimiititaliami suliarineqarsimasut ilagaat.
Ajornartorsiut Paamiuni, aamma AG-imi paasisat naapertorlugit Narsami Tasiilamilu ilisimaneqarpoq.
- Tamanna inatsisiliuunneqartariaqarpoq, Malene Lynge oqarpoq.
Taanna isumaqarpoq, inuit ataasiakkaat pisiniarfinni akiitsorsinnaanerat annertunerpaaffilerneqartariaqartoq, pisiniarfiutillillu tamanna malissinnaanngippassuk pillaassuteqarsinnaaneq ammaanneqartariaqartoq, Malene Lynge, aviisimi AG-mi ullumi saqqummersumi taama oqarpoq.
