Innarluutillit illersuisuat: Kinguartinneqarniarnera naleqqutinngilluinnarpoq
Tamannali innarluutillit illersuisuata, Christina Johnsenip, naleqqutinngilluinnarnerarpaa.
- Inuiaqatigiit akornanni pisarisaqartitat soorunalimi amerlapput, aamma naliliiffigisassat assigiingitsorpassuupput, Innarluutillit illersuisuat, Christina Johnsen taama oqarpoq.
Taassuma Naalakkersuisut innarluutillit pillugit inatsisissamik 2019-imiit saqqummiiniarunaarlutik 2020-mut kinguartitsiniarnerat osumaqatiginngilluinnarpaa.
Inatsit innarluutilinnut suliniutissanut 25 millionit koruuninik aningaasartaqarpoq, taakkulu pisariaqarluinnartut innarluutillit illersuisuat oqarpoq.
Christina Johnsenillu innuttaasunit innarluutiminnik ikiorneqarnissaminnik utaqqisunik attavigineqaqattaartarnini ilaatigut oqaatigaa. Inatsisillu nutaap tamanna aaqqiiffigisussaavaa:
AAMMA ATUARUK Innarluutilinnut inatsit ukiumik ataatsimik kinguartinneqartoq
- Inatsisissami nutaami nalunaarsorneqaqqaarnissaq pisariaaruttussavoq. Inuk taava pisariaqartitsisoq sukkarnerusumik sullinneqarnissamik neqeroorfigineqassaaq, Innarluutillit illersuisuiat Christina Johnsen oqarpoq.
Aningaasanut inatsisissatut siunnersuut malillugu innarluutilinnut inatsisissap 2019-imi atuutilernani 2020-mi atuutilernissaanut aningaasanik illuartitsisoqarpoq.
Kinguartitsisoqarnerani inatsip suli piareersimannginnera pissutaasoq, aningaasaqarnermut naalakkersuisup Pele Brobergip aningaasanut inatsisissatut siunnersuutip saqqummiunneqarnerani nassuiaatigaa.
Siunnersuut pineqartoq siorna ukiakkut ataatsimiinnermi siullermeerneqarpoq, upernaamilu ataatsimiinnermi aappassaaneerneqarlunilu pingajussaaneerneqartussaagaluarpoq.Ataatsimiinnissarli qinersisoqalernera pissutigalugu taamaatiinnarneqarpoq.
