Kinguaassiuutitigut atornerlugaasimasut qaqugukkulluunniit unnerluussisinnaatitaapput
Nunatsinnimi kinguaassiutitigut atornerluisoqarsimatillugu suliat piffissamik killiligaanngitsumik suliarineqarsinnaasarput.
Nunatsinnili siuarsimanerulaartugut, inatsisinik atortitsinermut naalakkersuisup Sara Olsvigip oqaatigaa.
- Danmarkimi atuuttoq Nunatsinni atuutinngilaq. Ullumikkut taamaareerpoq, inatsisinik atortitsinermut naalakkersuisoq Sara Olsvig KNR-imut oqarpoq.
Nunatsinnimi meeraq kinguaassiutitigut atornerlunneqarsimatillugu suliaq politiinut qaqugukkulluunniit suliassanngortillugu tunniunneqarsinnaasarpoq.
Kinguaassiutitigulli atornerlugaasimasut ikiortissaminnik ujartuisinnaanissaannut periarfissagissaarnerusariaqartut, Sara Olsvig isumaqarpoq.
- Nunatsinni katsorsaanermik periarfissaqartitsivugut, kisianni soorunami annertunerusinnaavoq. Kinguaassiuutitigut atornerlugaasimasut qanoq taama pisoqarsimatillugu iliorsinnaanerannik siunersuinerunissaq, taanna aamma suliarisariaqarparput, qanoq iliuuseqarsinnaanermut. Taannalu isumaqarpunga Nunatsinni qaqeqqittariaqaripput, Sara Olsvig oqarpoq.
AAMMA ATUARUK Ministerip meeqqanut kinguaassiutitigut atornerluinemut suliat pisoqalisoorsinnaajunnartikkusukkai
Taanna innuttaasunut kaammattuutissaqarpoq, meeqqanimmi paarineqarluanngitsunik pasitsaassaqarutta tamatta akisussaaqataaffeqarpugut.
- Kinguaassiuutitigut atornerlugaasunik ilisimasaqarutta, taava tamatta inersimasuusugut nalunaartussaatitaavugut, takusaqarutta tusaasaruttaluunniit taamatut pisoqartunik. taanna erseqqissumik oqaatigerusuppara, inatsisinut atortitsinermut naalakkersuisoq Sara Olsvig oqarpoq.
