Kuannersuit: Kinamiut Kuannersuarnit pisiortornissaat IA-p ernumanartoqartikkaa
Naalakkersuisut Greenland Minerals, GME, sinnerlugu isumaqatigiissusiorsimanersut, imaluunniit ingerlatseqatigiiffiup Kinami ingerlatseqatigiiffimmik Hua Shengimik suleqateqarnerata ilusissaanik akuersissuteqarsimanersut Inuit Ataqatigiit akissuteqarfigeqquaat.
Hua Sheng ingerlatseqatigiiffiuvoq nutaaq, GME-mi piginneqataassutit amerlanersaannik piginnittumit Shenghe Resources Holdning Co.-mit, aamma Kinami naalagaaffiup pigisaanit China Nuclear Corporationimit pigineqartoq.
AAMMA ATUARUK Kina saffiugassanik qaqutigoortunik Kuannersuarneersunik pisiortorusuttoq
Ingerlatseqatigiiffik nutaaq aatsitassanik Narsap eqqaani Kuannersuarni piiaavik naatsorsuutigineqartut aallarteriarpat piiarneqartunik pisiortortussaavoq.
Ingerlatseqatigiiffillu aatsitassanik uranitalinnik thoriumitalinnillu pisiortussaaq.
AAMMA ATUARUK Narsami innuttaasunut ataatsimiisitsinermi uran eqqartorneqarpoq
Kinamiullu naalagaaffiannut atassuteqartoqarnera Inuit Ataqatigiinnit ernumanartoqartinneqarpoq. Aatsitassanullu naalakkersuisup Erik Jensenip Narsami sapaatit akunnerata naanerani innuttaasunik ataatsimiititsinerata kingorna Inuit Ataqatigiit ima apeqquteqarput:
- Pisortatigoortumik ilisimatitsissutigineqarniarpa Kuannersuarni aatitassarsiorfiussamaartoq tassaassasoq naalagaaffiup Kinap ingerlatarilerumaagaa?
