Kinamiut avataarsualiartaataat nunarsuarput ulluni 276-ini kaajallattaqattaareerlugu nunnittoq
Kinamiut avataarsualiartaataata nunarsuarput ulluni 276-ini kaajallattaqattaariarlugu Kinamut ullumi ataasinngornermi nunnippoq.
Kinami oqartussat tusagassiivii taama nalunaaruteqarput.
Avataarsualiartaat inuttaqanngitsoq, Kinap avannaata kippasissuianut, avataarsualiartaatit aallartarfianut Jiuquanimut pilersaarutit malillugit nunnippoq.
Sooq nunarsuarput kaavissimaneraa, teknologiit suut atorneqarsimanersut qanorlu nunarsuatsinnit avasitsigisimanersoq, Kinamiunit oqaatigineqarsimanngisaannarpoq, aamma avataarsualiartaammik assilisat siammarterneqarsimanatik.
Avataarsuani teknologiit atorneqartartut atoqqinneqarsinnaanerat pillugu misiliummik avataarsuaniititsineq iluatsilluarsimasoq, Kinami oqartussat tusagassiiviannit oqaatigineqarpoq.
Kinamiut avataarsuanut 2021-mi aallartitsinerat ullullu taassuma naannginnerani qaammataasap mitsinneqarsimanera maanna pisumut assinguvoq, tassa isertuussaalluni taamaallaalli timmisartut assigalugit avataarsualiartaat nunamut missimasoq, taamani oqaatigineqarluni.
