Kinamiut aallartitaat: USA-p Kina Kalaallit Nunaannut tunngatillugu atornerluppaa
![](/sites/default/files/styles/image_934x467/public/article_images/carla_sands.jpg?itok=0McPYLD2)
USA-p Kalaallit Nunaannut aningaasatigut tapersersuinera atorfilittatigullu toqqaannartumik attaveqaqatigiilernera Naalagaaffeqatigiinnut pitsaanerpaasoq, USA-p Danmarkimut aallartitaata Carla Sandsip Altingetimut allagaqaateqarnera Feng Tiep isornartorsiorpaa.
Kina Issittumik soqutiginninnermini aningaasatigut soqutigisaqarlunilu anneruniartutut pissusilersortoq Carla Sands ilaatigut oqarpoq.
AAMMA ATUARUK Carla Sands isumaqatigiissut pillugu: Kalaallit Nunaat USA-mut saniliussaaq nukittooq
Feng Tieli tamanna isumaqanngilluinnartutut eqqunngitsutullu Feng Tiep isigivaa:
Kinami ernummatigineqartariaqanngitsutut isigineqartariaqarsoraa:
- Kinamiut suliffeqarfii maanna Kalaallit Nunaanniinngillat, Kinali Kalaallit Nunaannik aningaasarsiornerup tungaatigut suleqateqarnissamut piareersimavoq.
- Kina siooragineqartariaqanngilaq, suleqatissatulli isigineqartariaqarluni, Kinap Danmarkimi aallartitaa Altingetimi taama ilaatigut allaaserisaqarpoq.
AAMMA ATUARUK Lektori: USA Issittoq pillugu arajutsisimavoq
USA-p Kalaallit Nunaanni suliniutinut assigiinngitsunut 83 millionit koruuninik apriilimi aningaassaliinera taassuma aamma eqqaavaa.
Kalaallit Nunaannili sunniuteqarneruniarnertut Feng Tiep taavaa.
Kinap Issittumut attuumaassuteqartutut imminut isiginera unneqqaserlunnerusutut Carla Sandsip isigaa.
Kina imminut taama taasimanngisaannartoq Kinap aallartitaata oqaatigaa:
- USA-p Kalaallit Nunaannik soqutiginninni aqqutigalugu Kina atortariaqanngilaa, Feng Tie, Altingetimut oqarpoq.