Kim Larsen kræfteqarluni napparsimalersoq
Nipilersortartoq nuannarineqarluartoq Kim Larsen kræfteqarluni napparsimalersimasoq dr.dk allaaserisaqarpoq.
Allattoq Anton Gundersen Lihn
Nutserisoq Bikki P. Kleist
Kim Larsen quup aqqutaatigut decembarimi kræfteqalersimalluni nalunaarfigineqarpoq maannalu katsorsartilluni.
Napparsimalernermilu kingunerisaanik Kim Larsen qasusorujussuuvoq aasallu tungaanut tusarnaartitsinissaraluani taamaatittariaqarsimallugit, facebookimini nuannarinnitsiminut taama allappoq.
- Tusarnaariartartunut aaqqissuisunullu ajuusaartorujussuuvunga. Utoqqakasinngorpungami nipilersornissannullu piareersaqqaarnissara pisariaqartittalernikuullugu - aasamulli piareernissara naatsorsuutigaara,
Kim Larsen allappoq.
72-inik ukiulik juullinngitsiartoq Odensemi Universitetshospitalimut unitsinneqarpoq.