Siumut Sisimiut: Kim Kielsen tunuartariaqarputit
Mittarfiliortitertoqarnissaa Kangerlussuup siunissaanut sunniuteqartussaavoq, Siumullu Sisimiuni immikkoortortaqarfiata siulittaasua Dorthea Isaksen partiip siulittaasua pillugu taama oqaaseqaateqarpoq.
Siumut Sisimiulli Kangerlussuup mittarfissuujuaannarunnaarnissaanut ernumaneratut tusagassiuutinut nalunaarut isigineqassanngitsoq, Dorthea Isaksenip erseqqissaatigaa.
Siumup siulittaasuata pissutsinik piviusunik takunnissinnaassuseqanngitsoq, Siumup Sisimiuni immikkoortortaqarfia isumaqarpoq.
- Inuiaqatigiit qoqassineqarput uukapaasiarineqarlutillu kisitsisinik piviunngitsunik, Dorthea Isaksen oqarpoq
Nunatsinni isorliunerusuni najugaqartut atugaat puigorluinnarneqarsimasut Siumut Sisimiut isumaqarpoq, inuuussutissarsiornermi inuuniarnikkullu atukkat puigorneqarsimasut oqaatigineqarluni:
- Tamanna Siumup politikkerinngilluinnarpaa, Siumup Sisimiuni immikkoortortaqarfiata siulittaasua Dorthea Isaksen oqarpoq.
Mittarfissuit nunatsinnut inuinullu eqquinissaasa annertussusaat eqqarsaatigalugit Inatsisartuni 31-iinnaallutik aalajangernissaat inissaminiiinngilluinnartoq, Siumut Sisimiut isumaqarpoq, inuiaammi aalajangiisariaqartuusut oqaatigaat.