Island: Kilisaammi inuttat eqqartuussisumut sassartinneqartut
Kilisaammi Polar Nanumi inuttat pingasut ippassaq unnukkut tigusarineqartut eqqartuussivimmut ullaaq manna sassartinneqarput. Parnaarussaagallassanersut eqqartuussisumit aalajangiiffigineqassaaq.
Reykjavíkkimi politeeqarfik
Allattoq Helle Nørrelund Sørensen
januaarip 19-at 2017 07:05
Nutserisoq Simon Uldum -
Reykjavikkimi Politiit KNR-imut taama ilisimatitsipput.
Angutilli pineqartut arlaannaalluunniit unnerluutigineqanngitsut politiit aamma ilisimatitsissutigaat.
Islandip politiivisa immikkut sungiusakkat kilisaat Reykjavikkimut ingerlaartoq qulimiguulimmik ippassaq ornippaat.
AAMMA ATUARUK Inuttat pingajussaat politiinit tigusarineqarpoq
Politiit isumaqarput arnap 20-nik ukiiullip islandimi illoqarfiit pingaarnersaanni arfininngormat angerlartilluni periarfeerunneqarnera inuttat pingasut ilisimasaqarfigigaat.
Reykjavikkimi politiit naapertorlugit tigusarineqartut marluk kalaaliupput pingajuallu sumiuunersoq suli ilisimatitsissutigineqanngilaq.
AAMMA ATUARUK Polar Nanumi inuttat marluk politiinit tigusarineqarput
