Inuttat pingajussaat politiinit tigusarineqarpoq

Polar Seafoodip kilisaataataani Polar Nanumi inuttat akornanni inuttat pingajussaat Islandimi politiinit tigusarineqarpoq. Islandimiut radioat tv-qarfiallu RUV, politiit tusagassiuutinut nalunaarutaat aallaavigalugu taama allaaserisaqarpoq.
Assi © : Camilla Dam/KNR
Allattoq Mads Lynge, Anton Gundersen Lihn
januaarip 18-at 2017 20:54

Inuttat allat marluk Islandimi politiinit immikkut sungiusassakkanit qulimiguulimmik Polar Nanumukaanneqartunit tigusarineqarsimasut, ullumi siusinnerusukkut nalunaarutigineqarpoq. Polar Nanoq politiinit nakkutigineqarluni Reykjavikilialeruttorpoq.

Tigusarineqartut pingasut taakku arnap Islandimiup 20-nik ukiullip periarfeerunneqarneranut atasumik paasissutissaateqarsinnaanissaat Islandimi politiit ilimagaat. Arnaq pineqartoq Islandimi arfininngormat ullaakkut periarfeerunneqarpoq.

Politiit nutaarsiassaqartitsivimmut RUV-mut ilisimatitsissutigaat tigusarineqartut akornanni marluk kalaaliusut, tigusarineqartullu pingajussaata sumiuunera suli ilisimatitsissutigineqanngitsoq.

 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk