Hashimik nassaartoqarmat tigusarineqartut sisamaalersut
Nutartigaq nalunaaqutaq 16.19: Reykjavikimi niviarsissap tammaaneqarneranut atatillugu Polar Nanormi inuttat marluk tigummigallarneqarput, tigusarineqartullu pingajuat iperagaavoq.
Polar Seafoodip kilisaataataanni inuttanut pisortaq Jørgen Fossheim tusagassiuutinut taama nalunaaruteqarpoq.
Islandimiup arnap 20-inik ukiullip ujaarineqarneranut atatillugu Islandimi politiit kilisaammi Nanumi misissuineranni ikiaroornartumi hashimik annertuumik nassaartoqarpoq.
AAMMA ATUARUK Qulimiguulik kalaallit kilisaataataannukartinneqarpoq
Polar Nanumi inuttat maanna sisamat Islandimi politiinit tigusarineqarput.
Ikiaroornartumik nassaaarneq tigusarinninnerlu Islandimiumik arnamik 20-inik ukiulimmik tammaaneqartumut attuumassuteqanngilaq.
Islandimiup arnap 20-nik ukiullip tammaaneqarneranut atatillugu kalaallit kilisaataataanni inuttat pingasut tigusarineqarput. Taakkunannga marluk tigumigallagassanngortinneqarput pingajuallu eqqartuussisunut suli sassartinneqanngilaq.
Polar Seafoodip ilisimatitsissutigaa Islandimi politiit kilisaammi Polar Nanomi misissuineranni kilisaat Reykjavikkimiiginnassasoq, kilisaataatileqatigiiffiullu politiinik suleqateqarnini ingerlatiinnarniaraa, paasiniarneqartut sukkanerpaamik paasineqarnissaat tikillugu, Jørgen Fossheim taama allappoq.
Tigummigallarneqartut marluk tamarmik pinngitsuunerartut, nutaarsiassaqartitsivik icelandmonitor.mbl.is allappoq.
AAMMA ATUARUK Polar Nanumi inuttat marluk politiinit tigusarineqarput
