Kiliffassuit sananeqaatimikkut issittumiinnissaminnut tulluussarsinnaassuseqarsimasut, ilisimatuunit paasineqarpoq.
Kiliffassuit afrikamit kingoqqisuusut ukiut millionit marluk angullugit issittumiilersimapput. Tamanna uumasup sananeqaataanut ilisarnaatitut takussutissartaatigut misissuinermi paasineqarpoq.
- Kiliffaat nungutaalluinnarsimasut taamaalilluta paasisaqarnerulerpugut, Manitobami ilisimatusarfimmeersoq nalunaarusiornermilu siuttuusoq, Kevin Campbell oqarpoq.
Kiliffassuit Siberiap avannaatungaani nassaarineqartut ukiut 43.000-it matuma siorna uumasuusimapput, ilisimatuullu misissuinerat ukiunik qulingiluanik sivisussuseqarluni.