Air Greenland: Kiffartuussinissamik isumaqatigiissutit suli atsioqatigiissutigineqanngillat
Angallannermi kiffartuussinissamik isumaqatigiissutit suli isumaqatigiinniutigineqarput. Air Greenlandip pisortaanerata Michael Højgaardip, Sermitsiamut tamanna ilisimatitsissutigaa.
Allattoq Karsten Sommer
decembarip 02-at 2016 10:41
Nutserisoq Mads Lynge
- Kiffartuussinissamik isumaqatigiissutit suli atsiunngilagut, isumaqatigiissutip immikkuualuttortai suli isumaqatigiinniutigineqaramik, Air Greenlandip pisortaanera oqarpoq.
Angallannermi kiffartuussinissamik isumaqatigiissutit qanittukkut aningaasaliiffigeqqinneqarput, immikkut ittumik aningaasaliisoqaqqittoqarneratigut qulimiguulimmik angallanneq aningaasaliiffigineqarluni. Air Greenlandilu Diskoline suli oqaloqatigaa, suliamimi suli nalorninartortaqarmat, Michael Højgaard oqarpoq.
Sulialli assigiinngitsut kiffartuussinissamik isumaqatigiissummi agguataarnerat allanngortinneqarsimanngitsut erseqqissaatigaa, Air Greenlandip Qeqertarsuup Tunuanik, Kujataanillu Ittoqqortoormiinillu sullissinini suli annaassagai oqaatigalugu.
