Politikkikkut naliliisartoq: Kielsen tunuliaqutaqarluarnerulerpoq
- Naalakkersuisoqatigiit ingerlaannarnissaat soqutigineqarluni tapersersorneqarsimassaaq,
Politikkikkut naliliisartoq Sten Lund KNR-imut taama oqarpoq, Siumumilu siulittaasussarsiornermi Kim Kielsenimut unammillertoq Vittus Qujaukitsoq pillugu ima oqarluni:
- Akerlianillu Vittus Qujaukitsup qineqqusaarnerani tassani saqqummertarneranut tunngasut taakku immaqa orniginartinneqarpallaarsimanngillat Kim Kielsenip qinersisaaninngaanniit, Sten Lund taama oqarpoq, nangillunilu:
- Uani takutinneqareerpoq ikittuinnarnit tatigineqarluni taaneqarsimasoq. Taamaalilluni Siumup iluani sanngiitsutut inissisimalerpoq. Taava nammineerluni nalilersortussanngussavaa politikkikkut suliani siunissami qanoq ingerlassanerlugu, Kim Kielsenilu ataatsimeersuarnermi tunuliaqutaqarlualersoq Sten Lundip maluginiarsimavaa:
AAMMA ATUARUK Selvstændighed på en ordentlig måde
- Malunnarpoq ataatsimeersuarnermi pilersaarusiukkat amerlasuutigut suleqataaffigineqarluarsimasutut isikkoqartut. Taamaattumik ataatsimeersuarnerup ataqqineqarnissaa, ataatsimeersuarnermilu aalajangikkat taakku qullerpaartaammata, ataqqqillugit ingerlatsigaanni patajaatsumik ingerlanissaq qularnanngilaq, Politikkikkut naliliisartoq Sten Lund KNR-imut taama oqarpoq.
Siumumi siulittaasussarsiortoqarmat Kim Kielsen 48-nit qinerneqarpoq, Vittus Qujaukitsorlu 19-init taaguunneqarluni.
AAMMA ATUARUK Overbevisende sejr til Kielsen