Assi: KNR

Siumut Kielsen qularnaatsumik ajugaasoq

Kim Kielsen Siumumi siulittaasussamik qinersinermi qularnaatsumik ajugaavoq, 48-init qinerneqarami, unammillertaa Vittus Qujaukitsoq 19-init taaguunneqarluni ajorsartoq.

Qinersinissap tungaanut pissanganavippoq, kinalu Siumumi siulittaasunngorumaarnersoq qinersinerup tungaanut nalorninariartuinnarpoq. Taasisilli siulliit sisamat suaarutigineqaannartut kina ajugaassanersoq ersarisivoq.

Kim Kielsen Siumup suli siulittaasorissavaa. Siulittaasuusup ajugaanera qulannaalluinnarpoq.

48-it Kim Kielsenimik taasipput 19-illu unammillertumik Vittus Qujaukitsumik taasillutik.

Tassalu Kim Kielsen eqqissiallassinnaanngorpoq, pissaaneqarniunnermilu ajugaalluni, ersarippormi siunnerfia tapersersorluarneqartoq. Aamma namminersulernissamik apeqqummi.

Kielsen amerlasuunik suleqateeqarnermik isumatusaartumillu ingerlatsinermik qineqqusaaruteqarpoq, taamaliorninilu ajugaasutigaa.

Siulittaasussarsiornerup inernerata kingorna Kim Kielsen Vittus Qujaakitsorluunniit ingerlapallammata naammattuunngilagut. Pingaarnerli aalajangerneqareerpoq, Siumumi Naalakkersuisunilu siulittaasoq partiiminit tapersersorneqarpoq.

Taava partiimi ukiuni tulliuttuni siulersuisuusussat sinnerisa aamma inississorput. Karl Kristian Kruse siulittaasup tulliatut unammillerteqarani qinigaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat