Kialaaq: Atornerlunneqarsimasut katsorsarneqarnissamik pisinnaatitaaffeqarput
Kinguaassiuutitigut atornerlugaasimasut kattuffiani siulittaasoq Isak Thorsen katsorsartinnissamut periarfissalunnerujussuaq pillugu, Paamiuni atornerlunneqarsimasut katsorsartikkusuttut inuit 70-it sinnerlugit oqaaseqarnermini.
Tassani qallunaat naalagaaffiat annertuumik pisussaaffeqarami nunasiaatiminut, tassanilu meeqqat inatsisaanni allaqqalluni 39-mi pinngitsoornani naammassineqartariaqarpoq qallunaat naalagaaffiani tunngasumik allassimasoqarpoq FN-imi taanna allassimasoq Kalaallit nunaata kisimiilluni nammassinnaanngippagu Qallunaat naalagaaffia aamma tassani pisussaaffeqarpoq.
Taamak oqarpoq Kialaap siulittaasua Isak Thorsen.
Kattorsarneqannginneq assigginngitsorpassuarnik kingunipiloqartussaavoq, ilaatigut meerartaarnermi meeqqanut naliginnaasumik attaveqarsinnaannginneq, ilinniakkamik naamassinnissinnaannginneq, nalinginnaasumillu ulluinnarni inooqataanissamut nukissaqannginneq, minnerunngitsumillu inatsisaatsuliornernik.
Kinguaassiutitigut atornerlugaasimasoq kinaassutsiminillu isertuussisoq radioavisimut ima oqaluttuarpoq.
Nukissaqalerama timikkut politiinut saaffiginninnikuuvunga taamatut pineqarsimallunga atornerlugaasimallunga, taava taanna polittit malittarisassaat ukiut 15-it qaangiussimagaangata suliassaq qanoq iliorneqarsinnaannginnami, taava eqqarsalernikuugaluarpunga ua nammineerlunga taanna inuk nammineerlunga uanga suliariniarlugu ilaa.
Ikilerneqarnera tassanngaanniit atornerluisuminngaanniit annertungaarmat tassunga kamaassara tukkaluarpoq politiit aaqqissinnaanngippassuk ua aaqissuara, allaat eqqarsaleraluarlunga seqitserniarlugu.
Taava taamaasillunga imminut kattorsarneq aaqqissuussimavara ilaa, sumiippunga sumiittungaana? Taamaalioruma immaqa pittaanerussooq ajunnginnerusoq ornissagukku taava taamaaliortariaqanngilara.
Katsorsarneqannginneq inuunerup sinneranullusooq inummut nanertuilersarpoq, soorlu asasamilluunniit attualaarneqarneq pineqartumut allatorluinnaq isumaqalersinnaasarluni Isak Thorsen oqarpoq.
Sunniuteqarnikuusupilussuuvoq, ulloq manna tikillugu sunniuteqarpoq. Tassa timinni attorneqaraangama suna tamarmi manngertittarpoq uanga eqqarsaatiginngikkaluarlugu taamaaneqarnikuunera, aammalu misigissutsikkut toqqissisimagaluarlunga kisiat timera immikkut oqariartortarpoq.
Taamak oqarpoq Isak Thorsen Kinguaassiutitigut atornerlugaasimasut kattuffiani siulittaasoq. Isak Thorsen angullu kinaanerminik isertuussisoq isumaqarput atornerlugaasimagaanni saaffiginninnermi inuppassuit aqqusaaqqaanngikkaluarlugit katsorsartissinnaaneq periarfissaalertariaqartoq.
