Khader: Qimaasut Kalaallit Nunaannukartillugit
Kalaallit Nunaanni qanilaarneq tikilluaqqusaanerlu ulluni pingasuni misigereerlugit, Ny Alliancemi siulittaasoq Naser Khader imminut aperivoq, Kalaallit Nunaanni qimaasunik sooq takussaasoqannginnera.
Allattoq Jokum Nielsen
Taama allappoq danskit aviiserujussuat Politiken.
Politiken.dk-mit Naser Khader Kalaallit Nunaat qimaasunik tigusisalissannginersoq aperineqarami akivoq:
- Kalaallit Nunaat qimaasunik ikittuinnarnik tigusisarpoq naak naalagaaffeqatigiinnerup iluaniikkaluarluni. Qanilaarneq tikilluaqqusaanerlu misigereerlugit eqqumiigaara amerlanerusunik tigusisarneq ajornerat. Taamaattumik oqarnikuuvunga angerlaruma paasiniassallugu sooq taama ikitsigisunik tigusisarnersut.