Upalungaarsimaniarneq Nuummi unitsinneqarpoq - kukkusoqarsimagunarpoq
Upalungaarsimanermi siggartaat ullaaq maanna Nuummi aallartinneqarpoq.
Aatsaannguaq upalungaarsimaneq unitsinneqarpoq, Gedion Quist politiini pigaartut ittuat naapertorlugu tekikkikkut kukkusoqarsimavoq.
- Aatsaannguaq unitsipparput. Timmisartoq Nuummiit Kangerlussuarmut ingerlaartoq motorerliulersimavoq ataasiinnarmillu motoreqaruni Nuummut utertariaqarluni. Ungasinngitsukkut ajornaquteqanngitsumik mippoq, ajoqusertoqanngilarlu, taanna KNR-imut oqarpoq.
Upalungaarsimanermullu siggartaatip sooq aallartinneqarsimanera iluamik suli paasisaqarfiunngilaq. Sooq aallartinnersoq politiit aamma naluaat pigaartut pisortaat oqarpoq.
Kukkusoqarami?
- Kukkusoqarsimanera ilimagaaara, naluara kia siggartaat aallartissimaneraa, tamaanna maanna misissorparput, Gideon Quist oqarpoq.
Ullaaq manna pisoq Nuummi aalassatitsivoq.
Kukkulluni upalungaarsimanermik siggartaatip aallartinneqarsimasinnaaneranik paasissutissat sukumiinerusut politiit pissarsiarigunikkit saqqummiunniarpaat.