Katuami marlunngorpat Rhythm 'n' blues

Amerikamiu kitaarertartoq Robben Ford aqagu marlunngornermi Nuummut tikissaaq qallunaaq erinarsortatoq Bobo Moreno peqatigalugu. Katuap paarlersuani tusaamasat taakku marluk nalunaaqutaq qulingiluaniit tusarnaartitsiniarput.
Allattoq Peter Troelsen, Noah Mølgaard
maajip 14-at 2012 13:24

Kitaarertartoq Robben Ford aqagu unnukkut Katuami scenemut qaqiguni rock-imik jazz-imillu nipilersornerup silarsuaani tusaamasanik suleqateqartarnermini misilittagarpassuani nassarniarpai. Taakku ilagaat Bob Dylan, Miles Davis aamma Dizzy Gillespie amerikamiup taassuma kitaarillaqqissusaanik ingiorneqartarsimasut.

Qallunaaq erinarsortarotq Bobo Moreno Robben Fordip kitaarernerani erinarsussaaq taannalu soulimik erinasullaqqissutut tusaamasaavoq. Moreno ukiut arlallit Tivolis Big Band-imi erinarsortuusarsimavoq naatsiivimmi tassani aliikkusiartarfimmi arfininngornikkut unnukkut appisimaaqataasarsimalluni. Taassuma saniatigut aamma Bobo Morenop peqataaffigisarsimasaasa ilagaat Peaches & Bobo ukiut 20-it matuma siorna Danmarkimi tusaamasaalersut. Bobo Moreno erinagissuunini pissutigalugu erinarsuutigaluni isiginnaartitsinerni tulleertutullu assigiinngitsorpassuarni atorneqartarpoq.

Taakku appilerunik nipilersoqatigissavaat Dan Hemmer pattattoq, Jesper Mortensen tumerparpaartoq kiisalu Nicolas Findsen qatitoortoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq