Katsorsarneqarnissaq periarfissaanerusariaqarpoq

Kinguaasiutitigut atornerluisartut katsorsarneqartalernissaat pillugu, isumasioqatigiinnermi Kalaallit Nunaanni Pinerluuteqarsimasunik Nakkutilliisoqarfik, pinerluuteqarsimasut katsorsarneqartalernissaat eqqarsaatigalugu anguniagassatut takorluukkat pillugit saqqummiussivoq.

Tamatuma saniatigut inuiaqatigiinni inooqataaleqqinnissaq pillugu piukkunnarsaqqinnermi, tarnillu pissusaatigut katsorsartinnermi misilittakkat saqqummiunneqarput.

Ilisimasat saqqummiunneqartut atorluassavagut. Maliina Abelsen Isumaginninnermut naalakkersuisoq oqarpoq.

-Paasisat saqqummiunneqartut Danskit naalagaaffianut justitsminisiteriamullu suleriusissamik isumaqatiginninniarluta oqaloqatiginninnitsinnut atorluakuttuussavagut, ingerlateqqillugillu.

Pinerluuteqarsimasut eqqortumik katsorsarneqartarnissaat siunertaralugu.

Maliina Abelsen oqarpoq.

Taassuma kinguaasiutitigut kannguttaatsuliorsimallutik pineqaatissinneqartut nunatsinni amerlanerujussuat tupaallaatiginngilaa.

-Naamik tupaallaatiginngilara, nalunngilarput kinguaassiutitigut kannguttaatsuliortarneq nunatsinni annertoqisoq.

pinerluuteqarsimasullu qaammatialunni parnaarussivimmi isaasalerlugu toqqorallarneqartarnerat iluaqutaanngivippoq.

Tassami iperagaagaangamik tarnikkut inuttullu allanngorneq ajorput, taamaammat katsorsarneqartalernissaat suliniutigaarput.

Maliina Abelsen oqarpoq.

Kinguaassiutitigut kannguttaatsuliorsimallutik pineqaatissineqartut amerlarnerpaartaat namminneq kannguttaatsuliorfigitissimasuusartut Kalaallit nunaanni pinerluuteqeqarsimasut nakkutilliisoqarfiannit saqqummiunneqarpoq.