Katersugaasiviit ulluat Nuummi malunnartinniarneqassaaq
Ilaatigullu Anne-Birthe Hovep eqqumiitsulia alakkarneqarsinnaapput aammalu Miki Jakobsenip suliaani kalaallit oqaluttuatoqaasa silarsuaat misigisaqarfigineqarsinnaalluni.
Paasissutissat
Nuummi Eqqumiitsulianik katersugaasivik nal. 13-19
Ulluunerani paaqqinniffiit aamma atuarfiit nal. 9 aamma 13 akornanni Nuummi Eqqumiitsulianik katersugaasivik pulaarsinnaavaat, aamma katersukkani qulequtsiussap ataani qiortaallutik nipititerisinnaapput: Suut katersorpigit? Eqqumiitsulianik katersivugut.
Nalunaarfissaq kunstmuseum@sermersooq.gl
Nuummi Eqqumiitsulianik katersugaasivik tamanut ammassaaq nal. 13-18. Katersugaatigut qimerloorsinnaavatit, Anne-Birthe Hovep eqqumiitsuliaanik saqqummersitsinissaarsuaq takusinnaavat, imaluunniit Miki Jacobsen-ip suliaani kalaallit oqaluttuatoqaasa silarsuaat misigisaqarfigiuk, aamma illit nammineq oqaluttuat nuannerluinnartoq oqaluttuariuk.
Niels Lyngep Illua nal. ataatsimiit arfineq marluk tungaanut.
Niels Lyngep IlluaGertrud Raskvej 24 ammassaaq 13-18. Niels Lyngep Illuani takusinnaavatit init pequsersorluakkat, piffissami tassani allaanerusut, aamma 1950-imeersunik atortulik pequtilillu. Lisa Lyngep atuagaq meeraanermini eqqaamasalikkersaarutaa akikillingaatsiarlugu tuniniarparput.
Nuutoqaq nal.16-18
Nuutoqaq – Nuummi Katersugaasivik ammassaaq Nal. 16 aamma18 akornanni, tassani Hans Egedesvej 29-imi katersugaasivissami takusassat ilai takulaarsinnaavatit. Init nutaanik pequtsersukkat ornigullusi takusarsigit, aamma illit katersugaasivissat qanoq imaqassanersoq alakkalaarlugu. Saqqummersitsisarnernut siunnersuutit tusarusupparput, aamma kaffisorujuujutaa sammisassat eqqartorneqarsinnaapput.
Nunatta Katersugaasivia nal. 13-18
Nunatta Katersugaasivia tamanut ammassaaq nal. 13-18. Katersugaasiviliarit, katersallu takullugit kiisalu Nunatta oqaluttuassartaa pillugu tusarnaarit, katersugaasivilerisumik angallanneqassaatit,
Kalaallitsut angallassineq nal. 17.00 Katersugaasivilerisoq Manumina Lund Jensen
Qallunaatut angallassineq nal. 17.30, katersugaasivilerisoq Ujammiugaq Engell
Nalunaarfissaq uunga: ujammiugaq@natmus.gl
Kittat nal. 10-18
Kittat tassaavoq Nuummi amminik mersortarfik, kalaallisuuliortarfik. Peqatigitillugu Kittat aamma economuseumitut ingerlavoq, ima paasillugu periutsit suliarinneriaatsillu piviusut naapertorlugit kusanartulianik saqqummersitsiviusoq. Hans Egedesvej 29-mut aqqusaarlutit takusaagit.
Aamma Nuutoqaq – Nuummi Katersugaasivittaassaq - maajip 18-iani alakkarterneqarsinnaassaaq.
Nuummi katersugaasiviit suleqatigiillutik akeqanngitsumik ullormi tassani ammassapput.
Tassaallutik Nuummi Eqqumiitsulianik katersugaasivik, Niels Lyngep Illua, Nuutoqaq, Nunatta Katersugaasivia aamma amminik mersortarfik Kittat.
