Kapisillit kuuata kapisilii asseqanngillat
Kapisilik Nuup kangerluaniittoq atlantikup avannaani kapisilinnut akulerunneq ajorpoq, aamma kapisillit sananeqaatimikkut allannguuteqarpiarneq ajorput.
Nunaqarfimmi Kapisillinni kuuk, Kalaallit Nunaanni kapisillit suffigisartagaattut ilisimaneqartutuaavoq.
Nunaqarfimmi Kapisilinni kapisillit sananeqaatimikkut immmikooruteqarluinnarnerannut pissutaasorineqarpoq, sermersuaqarnerata kingorna kapisillit kapisileqarfimmut pisimasut ikittuinnaasimanerat, aamma kapisileqatigiinnit allanit taamanerniilli immikkoorluinnarlutik aalisagaasimanerat pissutaasorineqarluni, Rasmus Nygaard Pinngortitaleriffimmi aalisakkanik qalerualinnillu ilisimatusartoq oqarpoq.
Kapisilinnik misissuineq uumassusilerinermut ilinniartumit kalaallimit aallartinnneqarpoq, Kapisilinni aalisartut suleqatigalugit kapisilllit 50-it katersorneqarput sananeqaataallu missisuiffigineqarlutik.
Europami Amerikallu avannaani kapisilinnut sanilliullugu Kapisilinni kapisilik sananeqaatimigut annikuitsuinnarmik allannguuteqarsimavoq.
- Kapisillit kapisilii nunarsuarmi aalisakkanut allanut sanilliullugit immikkuullarilluinnartuupput, taamaattumik Kapisilinni aalisartut kapisillit illersorneqarnissaannut iliuusissamik suliniuteqarnerat ajunngilluinnartuuvoq, Rasmus Nygaard pinngortitaleriffiup nittartagaani, natur.gl /imi taamatut issuarneqarpoq.