KANUKOKA-p siulittaasua tunuartoq

Palle Jerimiassenip kommunit kattuffiat atorunnaasinniarpaa. Tamatumalu kinguneranik KANUKOKA-mi siulittaasutut tunuarpoq.

KANUKOKA nutaamik siulittaasortaartariaqassaaq. Tassami Palle Jerimiassenip tunuarniarnini siulersuisuunernut nalunaarutigereersimavaa. 

- Aggustip aallaqqaataani tunuarniarlunga siulersuisut ilisimatereerpakka, Palle Jerimiassen KNR-imut oqarpoq. 

Siulittaasup kattuffik atorunnaarsinniaraa

Siulittaasutut tunuaannarani aamma KANUKOKA atorunnaarsinniarlugu siunnersuuteqarpoq. 

Tamatumunnga pissutaavoq Jerimiassenip kommunit tamarmik suleqatigiiffigisinnaasaanik pilersitserusunneq. 

- Kommunit tamarmik peqataaffigisinnaasaanik suleqatigiiffissamik pilersitsinissaq piffissanngortoq isumaqarpunga, Palle Jerimiassen oqarpoq.

Aamma atuaruk Kommunep KANUKOKA atorunnaarsinniaraa

Nuunniaraluarneq ajalusoortitsisoq

KANUKOKA-p Maniitsumut nuunniaraluarnerata kingunerani kattuffik ingerlaqqissinnaajunnaartoq Palle Jerimiassen isumaqarpoq.

- KANUKOKA Maniitsumut nuunneqassagaluarpat tamanna ukioq ataaseq marlulluunniit atortariaqassasut nalilerparput. Taamaammat suleqatigiiffissamik nutaamik pilersitsinissaq pitsaanerussasoq isumaqarpunga, Palle Jerimiassen oqarpoq. 

Taasuma siunnersuutigaa siunnersuusiortussamik suleqatigiissitamik suligasuartussamik pilersitsisoqassasoq. 

AAMMA ATUARUK KANUKOKA-p siunissaa suli nalunarallartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat