KANUKOKA-p siulittaasua tunuartoq
KANUKOKA nutaamik siulittaasortaartariaqassaaq. Tassami Palle Jerimiassenip tunuarniarnini siulersuisuunernut nalunaarutigereersimavaa.
- Aggustip aallaqqaataani tunuarniarlunga siulersuisut ilisimatereerpakka, Palle Jerimiassen KNR-imut oqarpoq.
Siulittaasup kattuffik atorunnaarsinniaraa
Siulittaasutut tunuaannarani aamma KANUKOKA atorunnaarsinniarlugu siunnersuuteqarpoq.
Tamatumunnga pissutaavoq Jerimiassenip kommunit tamarmik suleqatigiiffigisinnaasaanik pilersitserusunneq.
- Kommunit tamarmik peqataaffigisinnaasaanik suleqatigiiffissamik pilersitsinissaq piffissanngortoq isumaqarpunga, Palle Jerimiassen oqarpoq.
Aamma atuaruk Kommunep KANUKOKA atorunnaarsinniaraa
Nuunniaraluarneq ajalusoortitsisoq
KANUKOKA-p Maniitsumut nuunniaraluarnerata kingunerani kattuffik ingerlaqqissinnaajunnaartoq Palle Jerimiassen isumaqarpoq.
- KANUKOKA Maniitsumut nuunneqassagaluarpat tamanna ukioq ataaseq marlulluunniit atortariaqassasut nalilerparput. Taamaammat suleqatigiiffissamik nutaamik pilersitsinissaq pitsaanerussasoq isumaqarpunga, Palle Jerimiassen oqarpoq.
Taasuma siunnersuutigaa siunnersuusiortussamik suleqatigiissitamik suligasuartussamik pilersitsisoqassasoq.
AAMMA ATUARUK KANUKOKA-p siunissaa suli nalunarallartoq