KANUKOKA-p siunissaa suli nalunarallartoq
KANUKOKA-mi siulersuisut sapaatip-akunnerata siuliani ataatsimiipput, kommunilli kattuffiata siunissaa suli nalornianrtorsiorfiuvoq:
- KANUKOKA-p siunissaa pillugu aggustimi Maniitsumi ataatsimiitoqassaaq. Tassanilu paasineqassaaq KANUKOKA qanoq ingerlaqqissanersoq, KANUKOKA-p siulittaasua Palle Jeremiassen KNR-imut oqarpoq.
Kattuffiup Nuummi allaffeqarfiisa illuutaasalu tuniniarneqarnissaannut qanoq suleriaaseqartoqassanersoq, sapaatip-akunnerata siuliani ataatsimiinnermi aamma oqaluuserineqartut taassuma oqaatigaa.
Aamma atuaruk KANUKOKA-p siunissami qanoq ittuunissaa nalunartoq
Akissutit takkutissapput
Kattuffiup siunissaa tassa suli inissivinneqanngilaq. KANUKOKA allaffeqarfittut inissisimassava, kommuninulli sullivittut allanngortinneqassava, imaluunniit allatut ilusilerlugu sinissami ingerlanneqassava.
Apeqqutit taakku qaammatini tulliuttuni akissutissarsineqarsinnaassagunarput, KANUKOKAmimi siulersuisut qaammatini tulliuttuni ataatsimeeqqittussaapput:
- Massakkut KANUKOkA-mi siulersuisut ataatsimiinnissaat utaqqimaartariaqassavarput. Tassanimi KANUKOKA-p qanoq ingerlaqinissaa qulaajarneqassammat, Palle Jeremiassen oqarpoq.