KANUKOKA naalagaarusunngilaq
Nunatsinni kommuunit sisamat aningaasatigut assigiinnginerisa aaqqiivigineqarnissaannik oqallinnermi Naalakkersuisut siulittaasuat Kuupik Kleist qisuariaateqarpoq.
Kommunit qulaatiinnarlugit Naalakkersuisut aalangiinianngitsut Kuupik V Kleist sapaatip akunnerani kingullermi erseqqissaatigaa. Kommunit ataatsimoorlutik aaqqissutissamik saqqummiussissasut Kuupik Kleist-ip oqaatigaa.
Taamatut saqqumiussineq KANUKOKA-mit isumaqatigineqanngilaq.
Siulittaasup Martha Abelsen ip erseqqissaatigaa kommuunit ukioq ataatsip matuma siornatigullu nalunaarutigereernikkuua kommuunit isumaqatigiissinnaanngimmata Naalakkersuisut tamanna aalajangigassarigaa.
Kommuunit inissisimanerat aallaavigalugu kommunit naaperiarnissaat kissaatigineqartoq, Matha Abelsen oqarpoq.
- Uagut nammineq aalajangersinnaannginnatsigu aamma aalajangerusunnginnatsigu Nalakkersuisut suliassarimmassuk, KANUKOKA-p siulittaasua oqarpoq.
Kommuunit aalajangiisinnaanerannut naalakkersuisut periarfissiinerat sooq atorluarniarneqannginnersoq KANUKA-p siulittaasuanut apeqqutigaarput.
Kommunit oqaloqatigeereerlutik isumaqatigiipput akisussaaffik Naalakkersersuisunut utertinneqassasoq, Naalakkersuisut Kommuunillu naaperiarnissaat anguniarlugu, Martha Abelsen oqarpoq, - uagut nammineq aalajangersinnaannginnatsigu aamma aalajangerusunnginnatsigu, Naalakkersuisut suliassarimmassuk, siulittaasoq oqarpoq.
Naalakkersuisut aalajangiisussanngortinneqarnerisigut KANUKOKA kattuffittut pisariaqartinneqarnersoq Martha Abelsen imut apeqqutigaarput.