KANUKOKA isumaginninnermi siunnersortitut ilisimasalimmik atorfinitsitsisoq

KANUKOKA-mi isumaginninnermi siunnersortitut immikkut ilisimasalimmik atorfinititsisoqarpoq.

Kommunini pingasuni isumaginninnermi siunnersortitut, isumaginninnermilu siunnersortit pisortaattut siornatigut sulisimasoq, Qasigiannguanilu Piareersarfimmi pisortaasimasoq, Efterskole Villads Villadsenimi ilinniartitsisuusimasoq, pisortallu tullersortaattut kingullertigut sulisimasoq Lisa Poulsen, KANUKOKA-mi isumaginninnermi siunnersortitut

immikkut ilisimasalittut atorfinitsinneqarpoq.

KANUKOKA tusagassiuutinut taama nalunaaruteqarpoq. Naalakkersuinikkut sulinermi tulleriiaarinermi isumaginninnermut oqartussaaffik ukiuni makkunani pingaartinneqarnerpaanut ilaasoq nalunaarutigineqarpoq, Naalakkersuisuni kommuninilu sulinermi pingaartinneqarnerpaanut ilaalluni.

- Kommunini KANUKOKA-mut ilaasortaaffiusuni isumaginninnerup tungaatigut sulisunut pisortaasunullu Lisa Poulsenip siunnersuinikkut, aqqutissiuinikkut suliatigullu ineriartortitsinikkut iluaqutaalernissaa neriulluarfigivarput, KANUKOKA taama ilaatigut allaaserisaqarpoq.

Lisa Poulsen 52-inik ukioqarpoq, marlunnillu paneqarluni.