Kangilinnguani Sakkutooqarfik: Isumannaallisaanermut atortut eqqaamakkit
Taamatut nalunaaruteqartoqarpoq, pisuni arlalinni umiatsiaaqqanik orsueruttoorsimallutik kangerlummi imaluunniit imaannarmi tissukartunik arlaleriarluni ujaasisoqareersorlu.
- Ujarneqartut ajunngitsut qujanartumik nassaarineqartarput. Pisunili arlalinni iluatsitsinerinnaasoq, Kangilinnguani sakkutooqarfimmit politiinillu oqaatigineqarpoq.
Ujaasineq ajunngitsumik kinguneqassappat, ujaarineqartup ajornartuulernermi atortunik pisariaqartinneqartunik peqarnissaa pisariaqarpoq aamma ajornartorsiortilluni nalunaaruteqarsinnaasariaqarpoq. Oqartussammi ikiortariaqalersup eqqaani umiarsuaqaratillu qulimiguulinnik tamatigut atugassaqartanngimmata.
Taamaattumik: Eqqaamajuk ajunaalernermi kalerrisaarutinik qummoroortaataateqassagavit, annanniuteqarlutit, iputeqarlutit aamma VHF-radioqarlutillu mobiltelefoneqassagavit. Ajornanngippat GPS-imik aamma nassataqarit, taamaalillutit sumiinnerit oqaatigisinnaaniassagakku.
Angallavissannut sinnilimmik orsussamik nassataqartarit, taamaalillutit naatsorsuutiginngisamik pisoqariataarsinnaaneranut sillimasinnaaniassagavit.
Ajornartorsiuleruit VHF-imi kanal 16-ikkut kalderigit. Tassami kanal 16 angallatit allat tusarnaartarpaat, tusarnaarnissaanullu pisussaaffeqarlutik.
Aamma eqqaamassavat ajornartorsiortunik allanik ikiuisariaqalersinnaagavit!
Minnerunngitsumillu isumagissavat, sumunnarninnik, aamma qaqugu uternissannik ilisimannittunik inunnik nunamiittoqassammat.
- Imaatigut isumannaatsumik angalalluarnissannik kissaappatsigit. Inuup sianiitsup kisimi imaq ersigineq ajorpaa, Nunatsinni imaatigut annaassiniarnermik isumaginnittut taama allapput.