Kangia Racemi pissartat ajugaaqqipput

Ulluni pingasuni arpanneq Kangia Race sapaatip akunnerata naanerani ingerlanneqarmat 66-it arpaqataapput. Angusat tamakkiisut takukkit.

Team Twenty inuttaralugit Rigmor Villadsen aamma Else Hansen Team Pilu Sport Womenimiit Kangia Racemi ajugaaqqipput Ilulissat timaatungaani arpannikkut unammiuaartoqarmat. Angutini ajugaasuupput Team Pilu Sport tassaasut Frederik Petersen aamma Pilutaq Berthelsen akuleriinnilu ajugaasuupput Team Amaroq inuttaralugit John Davidsen aamma Marit Holm.

Arnani Team Pilu Sport Women inuttaralugit Akitsinnguaq Jensen aamma Laali Berthelsen ulloq siulleq arpareernermi siuartuugaluarput. Ulloq taanna Ilulissani arsaaffimmiit Aallaaniarfimmi illuaqqamut piniariartarfimmut arpattoqarpoq. Rigmor Villadsen aamma Else Hansen sekundinik 25-iinnarnik kingulliulaarpput. Ullulli aappaani aalajangiisumiki siuarput Aallaaniarfimmiit Kangerluarsummut arpattoqarmat. Tassani Rigmor Villadsen aamma Else Hansen minutsinik 35-nik sukkanerupput. Naak ullut pingajussaat Team Pilu Sport Women minutsinik tallimanik sukkanerugaluartut katinneranni angusaasunut tamanna allanngortitsinngilaq.

Team Twenty-kkut katillugit atorpaat 8 timet minutsillu 28-it. Team Pilu Sport Womenikkut atorpaat 8 timet minutsillu 59-it. Sukkarnernut pingajuupput Team Sumut inuttaralugit Thora Siegstad aamma Rie Jensen atorsimallugit 9 timet minutsillu 20-it.

Angutini ajugaasut Team Pilu Sport inuttaralugit Frederik Petersen aamma Pilutaq Berthelsen ulloq siulleq siuarluareerput siuaqqanertillu ulluni tulliuttuni marlunni annertusiartuaartillugu. Katinnerannin atorsimavaat 5 timet minutsillu 17-it. Team Utoqqatsissut inuttaralugit Malik Svendsen aamma Minik Svendsen tulliupput atorsimallugit 5 timer aamma minutsit 40-ut. Pilemand inuttaralugit Frederik Mathiassen aamma Ulrik Davidsen pingajuupput atorsimallugit 5 timet minutsillu 48-ut.

Arnat angutillu akuleriinneranni ajugaasuupput Team Amaroq inuttaralugit John Davidsen aamma Marit Holm. Taakku aamma ulloq siulleq siuarluareerput katinnerannilu atorlugit 6 timet minutsillu 13-it. Team Reimer-Iversen inuttaralugit Karl Otto Iversen aamma Maja Reimer tullersortaapput atorsimallugit 9 timet minutsillu 26-it. Pingajuupput Team NN inuttaralugit Niels Davidsen aamma Lena Ravn Davidsen atorsimallugit 9 timet minutsillu 30-it.

Kangia Race pillugu Qanorooq unnugu ilanngutassiaqarumaarpoq. Angusat tamakkiisut takusinnaavatit linki ataaniittoq toorlugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat