Kangaatsiami sarfaaruttoorneq sakkortusaavinnik eqquisoq
Kangaatsiami marlunngormat ualikkut sarfaarunnerata kingunerisaanik Kangaatsiamit Uummannamut sakkortusaavinnut - minnerunngitsumillu illoqarfinni nunaqarfinnilu taakkunani innuttaasunut - kingunerlutitsivoq.
Allattoq Inge S. Rasmussen
Nutserisoq Simon Uldum -
Innuttaasut internettimut, KNR TV-mut, radiomut oqarasuaatinut nalinginnaasunut angallattakkanullu attaveerunnerannik kinguneqarpoq.
Qujanartumilli ippassaq marlunngornermi kingusinnerusukkut sarfaneqqippoq TELE-POST-illu neriorsuutigaa assingusumik pisoqaqqinnginnissaa suliffeqarfiup sulissutigissagaa.
- Ajoraluartumik sarfaaruttoortarneq aqussinnaanngilarput, maannakkulli misissorparput siunissami taamaattoqaqqinnissaa qanoq pinngitsoortissinnaanerlugu, teknikkimut ingerlatsinermi pisortaq Kim H. Zinck tusagassiorfinnut nalunaaruteqarluni taama nassuiaavoq.