Kalaallit suliaat Finlandimut apuupput

Eqqumiitsuliaat Islandimiit, Nunatsinniit, Savalimmiuniit, Ålandip qeqertaaniit Finlandimiillu suliat nunani avannarlerni angallanneqarnerminni maanna Helsingfors tikippaat. Saqqummersitsineq ullumi ullaap tungaani Finlandimi illoqarfiit pingaarnersaanni ammarneqarpoq. Assit takukkit.
Allattoq Peter Troelsen, Noah Mølgaard
oktobarip 29-at 2012 11:17

NAPA-mi pisortaq Leise Johnsen kalaallit saqqummersitaat pillugit oqaaseqartuuvoq. Saqqummersitsinerlu Nunani avannarlerni siunnersuisooqatigiit ukiunik 60-nngortorsiorlutik Helsingforsimi ataatsimiinnissaat sioqqutilaarlugu ammarneqarpoq.

- Ulloq nuannivippoq. Nuannaaqaanga aammalu seqinnerlunilu siallermat sila nunani avannarlermiorpalunnerusinnaanngilaq, Leise Johnsen ammaanermi oqarpoq.

Ammaami kalaallit eqqumiitsuliornermut ilinniartut kalaallisut assuarput Finlandimi illoqarfiit pingaarnersaanni alutorineqaqisumik. Peqataasut ilaat Nukannguaq Mathiesen aallarnissaq sioqqullugu KNR.gl-mut oqarpoq neriuutigalugu kalaallisuuliortarneq pillugu oqaluttuarnissamut periarfissaqarumaarluni. Tassami oqaluttuarerusuppaa kinguaariit kingornuttaallugu periuseq ingerlakkaat.

Containerit atorlugit saqqummersitsineq Perlepaladspladsen-imi nalunaaqutaq 11.00-miit 19.00-ip tungaanut takuniarneqarsinnaasarumaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq