ASSIT Kalaallit Røde Korsiat inuusuttut attaveqaqatigiiffiannik annertusaasoq

Kalaallit Røde Korsiani inuusuttunik pilersaarusiukkamik sammisassaqartitsivik INUA, sulerusuttunik piffinnut assigiinngitsunut pingasunut avitamik Nuummi, Aasianni Iluilissanilu ukioq manna septembarimit novembarip tungaanut pikkorissartitseqqammerpoq.

Tassungalu atatillugu Kalaallit Røde Korsiata Sisimiuni aallarniinermini illoqarfiit ingerlatsiffigisani ilavai tallimanngortillugit.

AAMMA ATUATUK AWG-mi namminneq kajumissutsiminnik sulisussat pikkorissartinneqassapput

Sisimiunilu nammineq kajumissutsiminnik sullisserusuttut aatsaat taama amerlatigaat soqutiginnillutik nalunaartut rekordiliillutik 20-ummata. Taakku pikkorissartitsinermi peqataapput, allagartartaarlutillu.

Kajumissutsiminnik sullisserusuttut Kalaallit Røde Korsiannit INUA-miillu 2013-imili pikkorissarneqartut taamaasillutik 126-nngorput, septebarimili novembarip tungaanut pikkorissartitsinerup allaassutigaa nammineq kajumissutsiminnik sullisserusuttut kajumissutsiminnik sullisserusuttunik nammineq pikkorissartitsisuummata.

Pikkorissartitsinermi peqataasut oqaatigaat sakkussaminnik tuniorarneqarluarsimallutik, inuttut nammineq aamma iluaqutigisaminnik kajumissusertillu aallaavigalugu sullisserusuttunik qanoq periuseqarnissaminnut ilitsersorneqarsimasutut piareersagaasimasutut saniatigut misigisimallutik.

AAMMA ATUARUK Inuusuttut ikiuerusuttut