Inuusuttut ikiuerusuttut
![](/sites/default/files/styles/image_934x467/public/oembed_thumbnails/2022-12/8x_Sfikvdw31B-AeFppFsNSANCLBDhmsOvBeKzEiitQ.jpg?itok=4VxvzppJ)
KRK Inuata inuusuttunik pikkorissaanerata siunertaraa inuusuttut inuusuttoqatiminnik pisariaqartitsisunik ikiuisinnaanissaannik, oqaloqateqarsinnaanissaannik siunnersuisinnaalernissaannillu sakkussanik tunineqarnissaat. Inuusuttut pikkorissarnermi peqataasut namminneq piumassutsiminnik sulisuupput.
Pikkorissarnerit Aasianni, Ilulissani Nuummilu iluatsilluartumik pisimapput. Peqataasut ilaata, Andreas Larseni inuusuttoqatit akornaniinnermik nuannarisaqartup, pissarsilluarsimanini oqaluttuaraa.
- Nuannersutut pissarsilluarnartutullu nalilersinnaavara. Inuttullu qiimmaallannrluni, assigiinngitsutigut sakkussanik ilisimanngisatsinnik tuniorartilluta. Ilisimalikkagut amerlasoorujussuupput, Andreas Larsen, pikkorissareerluni siunnersuisunngortoq, KNR-imut oqaluttuarpoq.
Andreas Larsen inuusuttoqatiminik ikiuerusuttuuvoq. Piumassutsiminillu sulinera ikiuinissamik kisimi siunertaqanngilaq.
- Nuannarisorujussuuara inuusuttut akornaniillunga, imminut tatiginerulernissara siunertaralugu sulillunga, Andreas Larsen naggasiivoq.
Inuusuttut allannguerusuttut
Pikkorissaanerni ataqatigiissaarisup, Elisa Lethip, inuusuttut kajuminnerat nuannaarutigaa.
- Tanngassimaarlungalu nuannaarpunga. Takullugit inuusuttut ineriartortut ilikkagaqarlutillu sakkussat assigiinngitsut atorluarlugit, Elisa Leth KNR-imut oqarpoq.
Pikkorissarnermi peqataasut ilaata, Marie-Katrine Barlaj Lyberthip, maluginiartarsimavaa inuusuttoqartoq pisariaqartitsisunik. Pisariaqartitsisullu tassaasinnaapput angerlarsimaffinni imigassartorfiusuni peroriartortut. Marie-Katrine Barlaj Lyberthillu pikkorissarnermini ikiuisinnaalernissani angorusullugu oqaluttuarpoq.
- Allanngueqataarusukkama inuusuttullu kaammattorusullugit. Sinnattut anguneqarsinnaasut takutikkusuppara takutikkusuppara, Marie-Katrine Barlaj Lyberth KNR-imut oqarpoq.
Taasuma inuusuttut ajornartorsiutiminnik annissuiffissaminnik amigaateqartartut maluginiarsimavaa, tamannalu allanngueqataaffigerusullugu.
Qanoruumi KRK Inauta pikkorissartitsinera pillugu ilutassiaq takuuk.