Kalaallit Røde Korsiata inuusuttunut suliniutaa soqutigineqarluartoq
Ajornartorsiutit tamakkua qanoq qaangerneqarsinnnaaneri pillugit Kalaallit Røde Korsiata inuusuttunut suliniutaani KRK INUA-mi inuusuttut inuusuttoqatiminnik ikiuisinnaanissaannik sungiusarneqarput.
Oqariartuut "Inuusuttut tamarmik piginnaaneqarput" atorneqarpoq, inuusuttullu amerligaluttuinnartut nammineq piumassusertik atorlugu KRK-INUA-mi suleqataanermikkut inuusuttut allat ikiorniarpaat, Kalaallit Røde Korsiat taama allappoq.
Sapaatip akunnerata naanerani inuusuttut tallimat Nuummeersut ukioq manna tunngaviusumik ilinniarneq siulleq ingerlappaat, maannakkullu KRK-Inuata suliniutaani kajumissutsiminnik suliniuteqartutut inuusuttut ajornartorsiuteqartut sulissutiginissaannut piareersimalerput.
Aamma atuaruk ASSIT Kalaallit Røde Korsiat inuusuttut attaveqaqatigiiffiannik annertusaasoq
- Nuannersorujussuuvoq ilikkagaqaqaangalu. Ingammik ajornartorsiuteqartumik qanoq oqaloqateqassanerlunga, kajumissuseq atorlugu sulileqqammersut ilaat oqarpoq.
Kalaallit Nunaanni inuusuttut ajornartorsiortut pillugit tunngaviusumik ilinniarneq
KRK-INUA-ta sammisartagaannut ilaavoq.
Suliniuteqarfiup Røde Korsip sammisartagaanut kiisalu KRK-Inuata periaaserisartagaanut, soorlu inuusuttunik ajornartorsiuteqartunut qanoq ikiueqqaarfiginissaannik sapaatip akunnerata naanerani pikkorissarneq paasissutissiivoq.
Aammattaaq INUA-mi kajumissutsimik sulisut maligassiusinnaanerannut kiisalu inuunerminni allannguisutut saqqummersinnaanerannik neriuuteqarnarluni, Kalaallit Røde Korsiat allappoq.
Kalaallit Nunaanni KRK-Inuata suliaasa suuneranut tungasunik www.krk.gl-imi atuarsinnaavutit kiisalu nammineq kajumissutsimik sulilerusullutit allatsissinnaallutik.
