Kalaallit pikkorissut puljeqatigissavaat

Angutit kalaallit arsaattartut ilungersuatinneqangaatsiartussanngorunarput Isle of Wightimi Island Gameseqarnissaani. Ilaatigummi puljeqatigissavaat kingullermik Island Gameseqarmat pissartaasut Jersey tassalu puljeni ajugaasut kisimik semifinalemut ingerlaqqissinnaassallutik.

Kalaallit angutit unammisassaanni Jersey kisimi pikkunartussaanngilaq. Puljeqataasami ilagaat spaniamiut qeqertaat Menorca ukiut marluk matuma siorna kalaallit aamma puljeqatigisaat. Taamanikkut tennisertuusiinnarlutik kalaallit 6-0-mik ajorsarput.

Puljeqatissaasa pingajuat tassaavoq Rhodos kingullermi Island Gamesimi ajugaasunik Jersey-meersunik ilungersuatitsilaavissortut.

Kalaallit arnartaasa puljeqatigissavaat kingullermik Island Gameseqarnerani bronzennattut Isle of Man kiisalu Gibraltar Island Gameseqartarnerani ilisimaneqanngitsutut taasariaqartut.

Aajuna angutit puljenut agguataarnerat
Pulje A:
Jersey
Menorca
Rhodos
Kalaallit Nunaat

Pulje B:
Isle of Wight
Alderney
Gibraltar
Ynes Mon

Pulje C:
Guernsey
Gotland
Isle of Man
Falklandsøerne

Pulje D:
Åland
Saaremaa
Western Isles

Aajuna arnat puljenut agguataarnerat
Pulje A:
Åland
Jersey
Hitra
Isle of Wight

Pulje B:
Isle of Man
Gibraltar
Kalaallit Nunaat

Pulje C:
Gotland
Saaremaa
Western Isles