Kalaallit palasiata siunissaa isumaliutigaa
Suleqatigiissitap Ilageeqarnermut ministeriaqarfimmit pilersinneqartup misissuinera naammasseqqammerpoq Ilageqarnermulli ministerimut Per Stig Møllerimut tunniunneqaqqammerluni.
Danmarkimi kalaallit palasiata sipaarutigineqarnissaa Naalakkersuisunilli siunniunneqarmat annertuumik oqallittoqarpoq. Naak siunnersuut tunuartinneqarsimagaluartoq taamaattoq pisoq sumi tamani aalassatsitsivoq.
Tusagaq kingulleq tassaavoq Danmarkimi kalaallit palasiat peqquneqarsimammat kalaallinut piumassuserinngisaminnik Danmarkimiittunut taamaallaat sullississasoq. Nammineq piumassutsiminnik Danmarkimiittunut kuisitsiniaruni katitsitsiniaruniluunniit qeqqata provstianut piginnaatitsissummik piniaqqaartusssaavoq.
Nalunaarusiami imarineqartut Ilageeqarnermut ministeriaqarfimmit oqaatigiumaneqanngillat kisiannili Savalimmiuni, Kalaallit Nunaanni kiisalu nunani avannarlerni allani innuttaasut ilageeqarnikkut Danmarkimi sullinneqarnerannut apeqqutit tunngassuteqarput, kiisalu allannguutissanik aningaasalersuutissanillu tunngasunik siunnersuutinik imaqarlutik.
Ilageeqarnermut ministerip nalunaarusiaq misissuataareeruniuk naalagaaffimmi biskoppit tamaasa ataatsimeeqatigissagai kirkeministeriamit ilisimatitsissutiginearpoq.
